പഴയൊരു വാക്കിന്റെ കടം വീട്ടാന് ഭാസ്ക്കറിന്റെ ജ്യൂസ് കടയില് മമ്മൂട്ടിയെത്തി!
തന്റെ ആരാധകനായ വി. ഭാസ്കറിനെ കാണാന് മമ്മൂട്ടിയെത്തിയ വാര്ത്ത സമൂഹമാധ്യമങ്ങളില് വൈറലാകുന്നു. പണ്ട് കൊടുത്ത ഒരു വാക്ക് പാലിക്കാന് കൂടിയാണ് താരം എത്തിയത്.
തിരുവനന്തപുരം ശ്രിപത്മനാഭ സ്വാമി ക്ഷേത്രത്തിന് സമീപം ഭാസ്കര് ജ്യൂസ് കോര്ണര് തുടങ്ങിയത് ഈയിടെയാണ്. മമ്മൂട്ടിയുടെ ആദ്യകാലം മുതലുള്ള ആരാധകനാണ് ഇദ്ദേഹം. സ്വന്തമായി ജ്യൂസ് കട തുടങ്ങിയപ്പോള് ഉദ്ഘാടനത്തിന് ഭാസ്കര് മമ്മൂട്ടിയെ വീട്ടില് പോയി ക്ഷണിച്ചിരുന്നു.
എന്നാല് അന്ന് തിരക്കുകള് മൂലം മമ്മൂട്ടിയ്ക്ക് ഭാസ്കറിന്റെ ക്ഷണം സ്വീകരിക്കാനായില്ല. പിന്നീട് എപ്പോഴെങ്കിലും തിരുവനന്തപുരത്ത് വരുമ്പോള് തീര്ച്ചയായും കാണാമെന്ന് ഭാസ്കറിന് വാക്ക് നല്കിയാണ് താരം മടക്കി അയച്ചത്. മമ്മൂട്ടി ഫാന്സ് ആന്ഡ് വെല്ഫെയര് അസോസിയേഷന്റെ സ്ഥാപകരിലൊരാളാണ് വി. ഭാസ്ക്കര്.
ഇത്തവണ ആറ്റുകാല് ദേവീ ക്ഷേത്രത്തിലെ പൊങ്കാല മഹോല്വത്തിന്റെ കലാപരിപാടി ഉദ്ഘാടനം ഉള്പ്പെടെയുള്ള പൊതു ചടങ്ങുകളില് മമ്മൂട്ടിയായിരുന്നു മുഖ്യാതിഥി. ഇതിനായി തിരുവനന്തപുരത്ത് എത്തിയപ്പോള് ഭാസ്ക്കറിന് നല്കിയ വാക്ക് താരം ഓര്ത്തു. ഭാസ്ക്കറിനെയും കുടുംബത്തെയും കണ്ട് വിശേഷങ്ങള് പങ്കുവച്ച ശേഷമാണ് മമ്മൂട്ടി മടങ്ങിയത്. അപ്രതീക്ഷിതമായി ജ്യൂസ് കടയിലെത്തിയ അതിഥിയെ കണ്ട് ആള്ക്കൂട്ടവും അമ്പരന്നു.
https://www.facebook.com/Malayalivartha
