‘നിങ്ങൾ അഭിമാനമാണ് അച്ഛാ..’; ഗോകുൽ സുരേഷിന്റെ കുറിപ്പ് ഏറ്റെടുത്ത് ആരാധകർ ..!
സുരേഷ് ഗോപി എന്ന വ്യക്തി ,നടൻ ,രാഷ്ട്രീയക്കാരൻ മേഖലകൾ ഏതൊക്കെ ആണെങ്കിലും അദ്ദേഹത്തെ എല്ലാവർക്കും വലിയ ഇഷ്ടമാണ്. ഇപ്പോഴിതാ അദ്ദേഹത്തെ കുറിച്ച് മകൻ ഗോകുൽ സുരേഷ് എഴുതിയ കുറിപ്പ് ശ്രദ്ധനേടുകയാണ് . തമ്പാനൂർ റയിൽവേ സ്റ്റേഷനിൽ സുരേഷ് ഗോപിയുടെ എംപി വികസനഫണ്ടിൽ നിന്നും പ്ലാസ്റ്റിക് റീസൈക്കിൾ മെഷീൻ സ്ഥാപിച്ചതിനെ അഭിനന്ദിച്ചാണ് ഗോകുലിന്റെ കുറിപ്പ്.
‘മാധ്യമങ്ങളും നിയമനിർമാതാക്കളും സർക്കാരുമെല്ലാം അച്ഛന്റെ യോഗ്യതകളെ എത്രത്തോളം തടഞ്ഞുവച്ചാലും, പൊതുജനങ്ങളുടെ ക്ഷേമത്തിനും മികവിനും വേണ്ടിയുള്ള നടപടികളുമായി എപ്പോഴും മുന്നോട്ട് പോവുന്ന നിങ്ങൾ അഭിമാനമാണ് അച്ഛാ’ ഗോകുൽ സുരേഷ് കുറിച്ചു.
ഒ.രാജഗോപാൽ എംഎൽഎയാണ് കഴിഞ്ഞ ദിവസം ഈ പ്ലാസ്റ്റിക് റീസൈക്കിൾ മെഷീന്റെ ഉദ്ഘാടനം നിർവഹിച്ചത്. സുരേഷ് ഗോപിയുടെ എംപി വികസന ഫണ്ടിൽ നിന്നും അഞ്ചുലക്ഷം രൂപ ചെലവഴിച്ചാണ് മെഷീൻ സ്ഥാപിച്ചിരിക്കുന്നത്.
https://www.facebook.com/Malayalivartha