എക്കാലത്തെയും അവിസ്മരണീയമായ ദോശ; മകളുണ്ടാക്കിയ ദോശയുടെ ചിത്രം പങ്കുവെച്ച് അല്ലു അർജുൻ
മകളുണ്ടാക്കിയ ദോശയുടെ ചിത്രം പങ്കുവെച്ച് മലയാളികളുടെ സ്വന്തം അല്ലു അർജുൻ. കഴിഞ്ഞയാഴ്ച ആയിരുന്നു കൊറോണ വൈറസ് പോസിറ്റീവായ തെലുങ്ക് നടന് അല്ലു അര്ജുന് ഇപ്പോള് വീട്ടില് ക്വാറന്റൈനിലാണ്. 38 കാരനായ താരം സുഖം പ്രാപിച്ചുവരുന്നതായി കഴിഞ്ഞ ദിവസം പുറത്തുവന്ന വാർത്തകളിൽ ഉണ്ടായിരുന്നു.
ബുധനാഴ്ച കുടുംബം എങ്ങനെ തന്നെ നോക്കുന്നു എന്ന് വ്യക്തമാക്കുന്ന ചില ചിത്രങ്ങള് താരം പങ്കുവച്ചിരുന്നു.ഇന്നും തന്റെ സോഷ്യല് മീഡിയ പേജില് നിരവധി വീഡിയോകള് അല്ലു അര്ജുന് പോസ്റ്റ് ചെയ്തിട്ടുണ്ട്.
മകള് അയാന് ഭക്ഷണ പാത്രവുമായി നടക്കുന്നതും മകള് അര്ഹ വീട്ടിലെ തുറസായ സ്ഥലത്ത് കളിക്കുന്നതും വീഡിയോകളില് കാണുന്നുണ്ട്. തുടര്ന്നുള്ള വീഡിയോയില്, അര്ജുന് തന്റെ ഇളയ മകള് പിതാവിനായി ഒരു ദോശ ഉണ്ടാക്കാന് ശ്രമിക്കുന്നതെങ്ങനെയെന്നാണ് കാണിച്ചു തരുന്നത്. ചൂടുള്ള പാനില് ദോശ മാവ് ഒഴിക്കുന്ന അർഹയെയും ദൃശ്യങ്ങളിൽ കാണാം.
ദോശ ഒരു പ്രൊഫഷണല് തയ്യാറാക്കുന്നതല്ലെന്ന് മനസ്സിലാകുമെങ്കിലും അര്ഹയുടെ സമര്പ്പണവും പിതാവിനോടുള്ള അവളുടെ സ്നേഹവും വീഡിയോയില് നിന്ന് വ്യക്തമാകും. അര്ജുന് തന്റെ ഇന്സ്റ്റാഗ്രാം സ്റ്റോറിയില് മകള് ഉണ്ടാക്കിയ ദോശയുടെ ചിത്രവും പങ്കുവച്ചിട്ടുണ്ട്. 'എക്കാലത്തെയും അവിസ്മരണീയമായ ദോശ' എന്ന അടിക്കുറിപ്പോടെയാണ് ചിത്രങ്ങള് പങ്കു വെച്ചത്.
അതേസമയം, #GetWellSoonAlluArjun എന്ന ഹാഷ്ടാഗ് ട്വിറ്ററില് ഇപ്പോള് ട്രെന്ഡിംഗാണ്. വേഗത്തില് സുഖം പ്രാപിക്കാനായി അദ്ദേഹത്തിന്റെ ആരാധകരില് പലരും രാജ്യമെമ്ബാടുമുള്ള നിരവധി ക്ഷേത്രങ്ങളില് പ്രാര്ത്ഥനകള് നടത്തി വരികയാണ്.
അദ്ദേഹത്തിന്റെ നിരവധി സഹതാരങ്ങളും ആശംസകള് അറിയിച്ചിട്ടുണ്ട്. രാഹുല് ദേവ്, സായ് ധരം തേജ്, വരുണ് തേജ് കൊനിദേല, രാകുല് പ്രീത്, റാഷി ഖന്ന എന്നിവര് താരത്തിന് വേഗത്തില് സുഖം പ്രാപിക്കട്ടെയെന്ന് കഴിഞ്ഞ ദിവസങ്ങളില് ആശംസകൾ അറിയിച്ചിരുന്നു.
https://www.facebook.com/Malayalivartha
