മലയാള പ്രേക്ഷകരുടെ പ്രിയ താരമാണ് സനുഷ. 1998ൽ ബാലതാരമായി സിനിമയിലെത്തി ശേഷം മലയാളത്തിലെ മുൻനിര നായികമാരിൽ ഒരാളായി മാറി തീര്‍ന്ന താരമാണ് നടി സനുഷ.

2016-ൽ ഒരു മുറൈ വന്ത് പാര്‍ത്തായാ എന്ന സിനിമയിലാണ് ഒടുവിൽ താരം മലയാളത്തിൽ അഭിനയിച്ചത്. ഇപ്പോഴിതാ 5 വര്‍ഷത്തിനുശേഷം താരം മലയാളത്തിലേക്ക് മടങ്ങി വരികയാണെന്ന് വാർത്തയാണ് ചർച്ചയാകുന്നത്.

കഴിഞ്ഞ ദിവസം ഫ്ലവേഴ്സ് ചാനലിലെ സ്റ്റാർ മാജിക് പരിപാടിയുടെ വേദിയിൽ താരം എത്തിയപ്പോഴാണ് പുതിയ സിനിമയെകുറിച്ചുള്ള വിശേഷങ്ങൾ താരം ആദ്യമായി തുറന്നു പറഞ്ഞത്.

അടുത്തിടെ താൻ കശ്മീരിൽ പോയത് സിനിമയുടെ ഷൂട്ടിന്‍റെ ഭാഗമായിട്ടാണെന്നും മലയാളത്തിിലാണ് ചിത്രമെന്നും എന്നാൽ സിനിമയെ കുറിച്ച് കൂടുതൽ കാര്യങ്ങള്‍ ഇപ്പോള്‍ വെളിപ്പെടുത്താനാകില്ലെന്നും സനുഷ വ്യക്തമാക്കിയിരിക്കുകയാണ് .

അഞ്ച് വര്‍ഷത്തിനുശേഷമാണ് മലയാളത്തിൽ അഭിനയിക്കുന്നതെന്നും സനുഷ തുറന്നു പറഞ്ഞു. മാ‍ർച്ച് മാസത്തിലാണ് താരം കശ്മീരിൽ പോയ വാർത്തകൾ തരംഗമായത്. ഇൻസ്റ്റയിൽ കശ്മീരിൽ നിന്നുള്ള ചിത്രങ്ങള്‍ ഇടയ്ക്കിടെ താരം പങ്കുവയ്ക്കുമായിരുന്നു. കശ്മീരിൽ നിന്ന് കിളിയേ കിളിയേ...എന്ന പാട്ട് പാടുന്ന വീഡിയോയും താരം ഒരിക്കൽ പങ്കുവെച്ചിരുന്നു.

2016ന് ശേഷം മലയാളത്തിൽ സജീവമല്ലായിരുന്നുവെങ്കിലും കന്നഡയിലും തമിഴിലും തെലുങ്കിലും സനുഷ അഭിനയിച്ചിരുന്നു. ജെര്‍സിയാണ് ഒടുവിലായി അഭിനയിച്ച തെലുങ്ക് സിനിമ.