സിനിമകളിലൂടെയും സീരിയലുകളിലൂടെയും മലയാളികള്‍ക്ക് സുപരിചിതനായ താരം പ്രദീപ് ചന്ദ്രന്‍ തന്റെ ഏറ്റവും പുതിയ വിശേഷവുമായി എത്തിയിരിക്കുന്നു... . കറുത്ത മുത്ത് പരമ്പരയിലെ അഭിറാം ഐപിഎസ് എന്ന കഥാപാത്രം മിനിസ്ക്രീൻ പ്രേക്ഷകർക്ക് ഏറെ പ്രിയപ്പെട്ടത് ആയിരുന്നു....

പ്രേക്ഷകർക്കെന്നപോലെ തന്നെ ആ കഥാപാത്രത്തെ അവതരിപ്പിച്ച പ്രദീപ് ചന്ദ്രനും അഭിനയ ജീവിതത്തിൽ ഒരിക്കലും മറക്കാനാവാത്ത പേരാണിത്. അതുകൊണ്ടു തന്നെ തന്റെ മകനും ഈ പേര് നൽകിയിരിക്കുന്നു എന്ന സന്തോഷമാണ് പ്രദീപ് പങ്കു വെയ്ക്കുന്നത്

ഇൻസ്റ്റഗ്രാമിൽ പങ്കുവച്ച കുഞ്ഞിന്റെ ചിത്രത്തോടൊപ്പമുള്ള കുറിപ്പിലാണ് താരം ഇക്കാര്യം വെളിപ്പെടുത്തിയത്. എന്റെ ജീവിതത്തിലെ അവിസ്മരണീയമായ കഥാപാത്രവും നാഴികക്കല്ലുമായിന്നു ഈ കഥാപാത്രമെന്നും അതുകൊണ്ട് തന്നെ ഈ പേര് എന്നും എപ്പോഴും എന്റെ ജീവിതത്തിന്റെ ഒരു ഭാഗമാകാൻ ആഗ്രഹിച്ചുവെന്നും മകന്റെ പേര് വെളിപ്പെടുത്തി കൊണ്ട് പ്രദീപ് ചന്ദ്രൻ സോഷ്യൽ മീഡിയയിൽ കുറിച്ചു.

ബിഗ് ബോസ് സീസൺ ഒന്നിൽ മത്സരാർത്ഥിയായിരുന്നു പ്രദീപ് ചന്ദ്രൻ... ഏഷ്യാനെറ്റില്‍ സംപ്രേക്ഷണം ചെയ്‍ത ഹിറ്റ് പരമ്പരയായ 'കറുത്തമുത്തി'ല്‍ ഡിസിപി അഭിറാം എന്ന കഥാപാത്രമായി എത്തിയതോടെ ആയിരുന്നു പ്രദീപ് കുടുംബ പ്രേക്ഷകര്‍ക്ക് പ്രിയങ്കരനായി മാറിയത് .

പ്രദീപ് ചന്ദ്രന്റെ കുറിപ്പ്

ഇന്നലെ (14.05.2021) ഞങ്ങളുടെ മകന്റെ നൂലുകെട്ട് ആയിരുന്നു.. ഇടത്തേ കാതിൽ വെറ്റില വച്ച് വലതു കാതിൽ മൂന്നു പ്രാവശ്യം പേര് ചൊല്ലി .. "അഭിറാം .. അഭിറാം.. അഭിറാം.. " അതെ .. എന്റെ അഭിനയ ജീവിതത്തിൽ ഒരിക്കലും മറക്കാനാവാത്ത പേര് .. “കറുത്തമുത്ത്” എന്ന ഏഷ്യാനെറ്റ് സീരിയലിലെ "അഭിറാം ഐപിഎസ്” എന്ന കഥാപാത്രം എന്റെ ജീവിതത്തിലെ അവിസ്മരണീയമായ കഥാപാത്രവും നാഴികക്കല്ലുമായിരുന്നു.. അതുകൊണ്ട് തന്നെ ഈ പേര് എന്നും എപ്പോഴും എന്റെ ജീവിതതിന്റെ ഒരു ഭാഗമാകാൻ ആഗ്രഹിച്ചു .. ഇനി അവൻ അഭിറാം എപി. എല്ലാവരുടെയും അനുഗ്രഹം ഒപ്പമുണ്ടാകണം...