നടി ബീന ആന്റണിക്ക് കോവിഡ് പോസിറ്റീവ് ആയതും പിന്നീട് അത് ഭേദമായതുമായ വിവരങ്ങൾ പുറത്ത് വന്നിരുന്നു. കോവിഡ് ബാധിച്ചതിന് പിന്നാലെ താരത്തിനെ ചികിത്സക്കായി ആശുപത്രിയിലേക്ക് മാറ്റുകയും ചെയ്തിരുന്നു. ബീനയുടെ ഭർത്താവ് മനോജ് ആണ് ബീനയുടെ രോഗ വിവരത്തെ കുറിച്ച് വെളിപ്പെടുത്തിയത്. ബീന ഇപ്പോൾ കോവിഡ് നെഗറ്റീവ് ആകുകയും ചെയ്തു. താൻ കോവിഡ് പോസിറ്റീവ് ആയപ്പോൾ ഉള്ള അനുഭവം വെളിപ്പെടുത്തിയിരിക്കുകയാണ് ബീന ഇപ്പോൾ.

തനിക്ക് കോവിഡ് സെറ്റിൽ നിന്നും ബാധിച്ചിട്ടും ചെറിയ പനി അല്ലെ ഉള്ളു എന്ന് കരുതി വീട്ടിൽ തന്നെ ക്വാറന്റൈനിൽ ഇരുന്നു. തന്റെ സുഹൃത്തുക്കളും ആരോഗ്യ പ്രവർത്തകരും ആശുപത്രിയിൽ പോകണം എന്ന് പറഞ്ഞു. പക്ഷേ താൻ വേണ്ട എന്ന് നിർബന്ധം പിടിക്കുകയായിരുന്നു.

പക്ഷെ അത് തനിക്ക് പറ്റിയ തെറ്റാണ് എന്ന് താരം പറയുന്നു. കുറച്ച് കൂടി മുൻപേ ആശുപത്രിയിൽ പോയിരുന്നവെങ്കിൽ തനിക്ക് അസുഖം ഇത്രയും കൂടില്ലായിരുന്നു എന്ന് ബീന പറഞ്ഞു. പൾസ് ഓക്സീമീറ്റർ താൻ ഉപയോഗിച്ചിരുന്നു, അതിൽ ഓക്സിജൻ ലെവൽ 93 ആയി മാറി, അപ്പോഴേക്കും തളർന്നിരുന്നു. അതിനു ശേഷം തനിക്ക് ശ്വാസം കിട്ടാതെ ആയി. ശെരിക്കും തളർന്നു പോയിരുന്നു. തന്റെ പ്രശ്നങ്ങൾ ആരോടെങ്കിലും പറയാൻ കഴിയാത്ത വിധം തളർന്നു പോയി എന്നാണ് ബീന പറയുന്നത്. പിന്നീട് ആണ് എന്നെ ആശുപത്രിയിലേക്ക് കൊണ്ടുപോയത്.

വളരെ നല്ല രീതിയിൽ ഉള്ള പരിചരണം ആണ് തനിക്ക് ലഭിച്ചത്. അതുകൊണ്ട് തന്നെ രോഗം വളരെ പെട്ടെന്ന് മാറി. ശെരിക്കും അതൊരു അത്ഭുതം ആയിരുന്നു എന്ന് താരം പറയുന്നു. രോഗം അത്രയും കൂടി നിന്നിട്ടും രണ്ടു ദിവസം കൊണ്ട് തന്റെ ഓക്സിജൻ മാസ്ക് മാറ്റാൻ കഴിഞ്ഞു എന്ന് താരം പറയുന്നു. ശരിക്കും ഒരു അസുഖം വന്നപ്പോഴാണ് എല്ലാവർക്കും തന്നോടുള്ള സ്നേഹം മനസ്സിലായതെന്നും അവർ പറഞ്ഞു. പല സ്ഥലത്ത് നിന്നും പലരും തന്നെ വിളിച്ചിരുന്നു എന്നും താരം വെളിപ്പെടുത്തി.