ടൊവിനോ തോമസ് നായകനായ 'കള' എന്ന സിനിമ അതിശയിപ്പിക്കുന്നതാണെന്ന് പ്രേക്ഷകരും നിരൂപകരും ഒരുപോലെ പ്രശംസിച്ചിരുന്നു. എ സർട്ടിഫിക്കറ്റോടുകൂടിയാണ് സിനിമ തിയേറ്ററിലെത്തിയെങ്കിലും നല്ല പ്രതികരണമായിരുന്നു ലഭിച്ചത്. നേരത്തേ തീയേറ്ററുകളിലെത്തിയ രോഹിത് വി.എസ് സംവിധാനം ചെയ്ത ചിത്രം അടുത്തിടെയാണ് ഓടിടിയിൽ റിലീസായിരുന്നത്.

സിനിമയിലെ കഥാപാത്രങ്ങളെ കുറിച്ച് നല്ളൊയൂ പ്രതികരണം തന്നെ ആയിരുന്നു ലഭിച്ചിരുന്നത്. തുടർന്ന് ചിത്രത്തെയും മൂറിൻ്റെയും ടൊവിനോയുടെയും പ്രകടനത്തെയും ശരീരഭാഷയെയും കുറിച്ചൊക്കെ സിനിമാപ്രേമികളിൽ നിന്നും നിരൂപകരിൽ നിന്നുമൊക്കെ വലിയ പ്രശംസകളാണ് ലഭിക്കുന്നത്.

അതിനിടെ മൂർ നടത്തിയ ഒരു പരാമർശമാണ് കൈയ്യടി നേടുന്നത്. പൃഥ്വിരാജിനെ നായകനാക്കി ഷാജി കൈലാസ് ഒരുക്കുന്ന കടുവ എന്ന ചിത്രത്തിൽ തനിക്ക് കിട്ടിയ വേഷം വേണ്ടെന്ന് വെച്ചതിനെ കുറിച്ചാണ് താരം ഇപ്പോൾ തുറന്ന് പറഞ്ഞിരിക്കുന്നത്.

ഒരു യൂട്യൂബ് ചാനലിന് നൽകിയ അഭിമുഖത്തിലാണ് കടുവയിലേക്കുള്ള ക്ഷണം നിരസിച്ചതിനെ കുറിച്ച് മൂര്‍ പറഞ്ഞത്. സിനിമയിലൂടെയും അല്ലാതെയും താന്‍ പറയാനാഗ്രഹിക്കുന്ന രാഷ്ട്രീയത്തെ കുറിച്ച് മൂർ നേരത്തേ തന്നെ വ്യക്തമാക്കിയിരുന്നു. അടിച്ചമര്‍ത്തപ്പെട്ടവന്റെയും അരികുവത്കരിക്കപ്പെട്ടവന്റെയും ഒപ്പം നില്‍ക്കാനും അവരുടെ രാഷ്ട്രീയം സംസാരിക്കാനുമാണ് താന്‍ ആഗ്രഹിക്കുന്നതെന്നും മൂര്‍ തുറന്നടിച്ചിരുന്നു.

ഇതേ കാരണം ചൂണ്ടിക്കാട്ടിയാണ് പുതിയ ചിത്രത്തിൽ നിന്നും ലഭിച്ച ഓഫർ നിർസിച്ചതെന്നും മൂർ വെളിപ്പെടുത്തിയിരിക്കുകയാണ്. കടുവ എന്ന ചിത്രത്തിൽ നായകൻ പൃഥ്വിരാജിൻ്റെ അടിയേറ്റ് വീഴണമായിരുന്നുവെന്നും കറുത്ത വര്‍ഗം അടിച്ചമര്‍ത്തപ്പെടേണ്ടവരല്ലെന്നും മൂർ പറഞ്ഞു.

കള എന്ന ചിത്രമിറങ്ങിയതിന് ശേഷം വന്ന പല അഭിമുഖങ്ങളിലും മൂര്‍ സിനിമയിലൂടെയും അല്ലാതെയും താന്‍ പറയാനാഗ്രഹിക്കുന്ന രാഷ്ട്രീയത്തെ കുറിച്ച് വ്യക്തമായി സംസാരിച്ചിരുന്നു. കള എന്ന ചിത്രത്തിന്റെ ഭാഗമായതും തൻ്റെ കൃത്യമായ രാഷ്ട്രീയവുമായി സിനിമ ചേര്‍ന്നുനില്‍ക്കുന്നുവെന്ന് തോന്നിയതിനാലാണ് എന്നും മൂര്‍ പറഞ്ഞു.

മൂർ പറഞ്ഞ വാക്കുകൾ ഇങ്ങനെ. 'ഷാജി കൈലാസ് സംവിധാനം ചെയ്യുന്ന കടുവയിലേയ്ക്കും എനിക്ക് ക്ഷണമുണ്ടായിരുന്നു. നായകന്റെ അടിയേറ്റ് വീഴുന്ന കഥാപാത്രമാണ്. കറുത്തവര്‍ഗം അടിച്ചമര്‍ത്തപ്പെടേണ്ടവരാണെന്ന ധാരണ എനിക്ക് അന്നുമില്ല ഇന്നുമില്ല. അതുകൊണ്ട് ആ വേഷം വേണ്ടെന്നുവെച്ചു. നല്ല കഥാപാത്രങ്ങള്‍ വരട്ടെ, അതുവരെ കാക്കും. സിനിമയില്ലെങ്കിലും ജീവിക്കാമെന്ന് ആത്മവിശ്വാസമുണ്ട്,'

തൻ്റെ നിലപാട് വെളിപ്പെടുത്തിയതോടെ സിനിമാ പ്രേമികളും ആക്ടിവിസ്റ്റുകളുമൊക്കെ മൂറിന് പിന്തുണയർപ്പിച്ചു കൊണ്ട് കൈയ്യടികൾ നൽകുയാണ്. സോഷ്യൽ മീഡിയയിലും മൂറിന് വലിയ പിന്തുണയാണ് ലഭിക്കുന്നത്.

കള എന്ന ചിത്രത്തിൽ മൂർ അവതരിപ്പിച്ച കഥാപാത്രം നായകനായാണ് തന്നോട് സംവിധായകൻ കഥ പറഞ്ഞതെന്നും മൂർ മുൻപ് അഭിമുഖങ്ങളിൽ വ്യക്തമാക്കിയിരുന്നു. കള എന്ന ചിത്രം പറഞ്ഞിരുന്നത് മനുഷ്യനും പ്രകൃതിയും അടിച്ചമര്‍ത്തപ്പെടുന്നവരും വേട്ടക്കാരനുമൊക്കെ കഥാപാത്രങ്ങളായി വരുന്ന കഥയായിരുന്നു. ലാല്‍, ദിവ്യാ പിള്ള, സുമേഷ് എന്നിവരും ബാസിഗര്‍ എന്ന നായയും ഈ ചിത്രത്തിലെ മറ്റ് കഥാപാത്രമായിരുന്നു.