പ്രേക്ഷകരുടെ ഇഷ്ട പരമ്പരകളില്‍ ഒന്നാണ് കുടുംബവിളക്ക്. തുടക്കത്തില്‍ ഈ പരമ്പരയോട് മിനിസ്‌ക്രീന്‍ പ്രേക്ഷകര്‍ക്ക് യോജിക്കാന്‍ കഴിഞ്ഞിരുന്നില്ല, എന്നാല്‍ പകുതിവെച്ച് സീരിയലിന്റെ കഥ മാറി മറിയുകയായിരുന്നു. ഇതോടെ കുടുംബ വിളക്കിന് ആരാധകരും ഏറെയായി.

രസകരമായ ചില എപ്പിസോഡുകളും കുടുംബ വിളക്കില്‍ എത്തിച്ചേരും എന്ന സൂചനകളാണ് ഇപ്പോള്‍ ലഭിക്കുന്നത്. ഇതിന്റെ ഷൂട്ട് നടന്നുകൊണ്ടിരിക്കുകയാണ്. നേരത്തെ ലൊക്കേഷനില്‍ നിന്നുള്ള ചില ചിത്രങ്ങള്‍ പങ്കുവെച്ചിരുന്നു. ഇപ്പോഴിതാ നടി മീരാ വാസുദേവ് മറ്റു ചില ചിത്രങ്ങള്‍ പങ്കുവെച്ചാണ് എത്തിയിരിക്കുന്നത്.

കുടുംബവിളക്ക് ടീമിനെ സംബന്ധിച്ചിടത്തോളം ഇതൊരു അവിസ്മരണീയ യാത്രയാണെന്നാണ് നടി മീര കുറിക്കുന്നത്. കുമളിയിലെ ഞങ്ങളുടെ കുടുംബവിളക്ക് കുടുംബത്തോടൊപ്പം പുതുവത്സര വൈകുന്നേരത്തേക്കുള്ള സ്‌പെഷ്യല്‍ എപ്പിസോഡ് ഷൂട്ട് ചെയ്യുന്നു.

ഇത് അവിസ്മരണീയമായ ഒരു യാത്രയാക്കിയതിന് പ്രിയപ്പെട്ടവരേ നന്ദി.. ഞാനിത് വളരെ ആധികം ആസ്വദിച്ചു.. പേരൂര്‍ക്കട സഹോദരങ്ങള്‍ക്ക് നന്ദി. എന്നും സുമിത്ര കുറിക്കുന്നു. ഷൂട്ടിനില്ലായിരുന്നു ആതിര മാധവിനെയും ശരണ്യ ആനന്ദിനെയും പോസ്റ്റില്‍ മെന്‍ഷന്‍ ചെയ്യുന്നുണ്ട് മീര.

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട പരമ്പരകളില്‍ ഒന്നാണ് കുടുംബവിളക്ക്. കഴിഞ്ഞ വര്‍ഷം ജനുവരി 27 ന് ആരംഭിച്ച പരമ്പര മികച്ച പ്രേക്ഷകപ്രീതി നേടി മുന്നോട്ട് പോകുന്നു. സുമിത്ര എന്ന വീട്ടമ്മയും ആ വീട്ടമ്മയെ ചുറ്റിപ്പറ്റി നടക്കുന്ന സംഭവ വികാസങ്ങളുമാണ് സീരിയല്‍ പറയുന്നത്. സിനിമാതാരം മീര വാസുദേവ് ആണ് സുമിത്ര എന്ന കഥാപാത്രത്തില്‍ എത്തുന്നത് .

താരത്തിന്റെ ആദ്യ സീരിയല്‍ കൂടിയാണ് ഇത്. ഇവിടെ നടി ശരണ്യ ആനന്ദമാണ് വില്ലത്തി വേഷത്തിലെത്തുന്നത്. വേദിക എന്ന കഥാപാത്രത്തെയാണ് ശരണ്യ അവതരിപ്പിക്കുന്നത്. സിദ്ധാര്‍ത്ഥ് ആണ് മറ്റൊരു പ്രധാനപ്പെട്ട കഥാപാത്രം. കൃഷ്ണകുമാര്‍ മേനോന്‍ ആണ് ഈ കഥാപാത്രത്തില്‍ എത്തുന്നത്.