മോഹന്‍ലാല്‍ ചിത്രമായ പുലി മുരുകന് കിട്ടിയ പണിയേ. അപ്രതീക്ഷിതമായാണ് പുലിമുരുകന് ആ തലവേദവ വന്ന് കയറിയത്. എന്താണെന്നല്ലേ?. വനത്തിനും പരിസ്ഥിതിക്കും ദോഷം വരുത്തുന്ന തരത്തിലുള്ള രംഗങ്ങള്‍ ചിത്രീകരിക്കുന്നത് തടഞ്ഞ് കോടതി ഇടപെട്ടിരിക്കുകയാണ്. ഇതുമായി ബന്ധപ്പെട്ട് ചിത്രത്തിന്റെ നിര്‍മ്മാതാവായ ടോമിച്ചന്‍ മുളകുപാടത്തിനൂം കോടതി നോട്ടീസയച്ചു.

മുളകുപാടം ഫിലിംസിന്റെ ബാനറില്‍ നിര്‍മ്മാണം നടന്നുവരുന്ന ചിത്രത്തിനുവേണ്ടി പൂയംകൂട്ടി വനത്തില്‍ പരിസ്ഥിതിക്കും ജീവജാലങ്ങളുടെ ആവാസവ്യവസ്ഥക്കും ദോഷം വരുത്തുന്ന തരത്തില്‍ റബറും പ്ലാസ്റ്റിക്കും ഉപയോഗിച്ച് സെറ്റുകളൊരുക്കിയിട്ടുണ്ടെന്നും ചിത്രികരണത്തിനായി സ്‌ഫോടനവും തീയിടലും നടത്തുന്നതിന് നീക്കം നടക്കുന്നുണ്ടെന്നും കാണിച്ച് പൂയംകൂട്ടി സ്വദേശി നൗഷാദ് സമര്‍പ്പിച്ച ഹര്‍ജിയിലാണ് കോടതി എതിര്‍കക്ഷികള്‍ക്ക് നോട്ടീസയച്ചിരിക്കുന്നത്.
ഇതിനെ തുടര്‍ന്നാണ് നടപടി. ഏതുതരത്തിലുള്ള ഷൂട്ടിംഗിനാണ് അനുമതി നല്‍കിയതെന്നും മറ്റുമുള്ള വിഷയത്തില്‍ ഡി എഫ് ഒയില്‍നിന്നും കോടതി വിശദമായ റിപ്പോര്‍ട്ടും ആവശ്യപ്പെട്ടിട്ടുണ്ട്. കോടതി ഇടപെടല്‍ ഉണ്ടായതോടെ വനംവകുപ്പ് ജീവനക്കാര്‍ പ്രദേശത്ത് നിരീക്ഷണം ശക്തമാക്കി. വനം പൊലീസ് വകുപ്പുകളുടെ കനത്തസംരക്ഷണത്തിലാണ് പൂയംകൂട്ടി വനത്തില്‍ പീണ്ടിമേട് കുത്തിനടുത്ത് ഒന്നര മാസത്തോളമായി ഷൂട്ടിങ് നടന്നുവന്നിരുന്നത്. ചിത്രത്തിന്റെ ക്ലൈമാക്‌സില്‍ സ്‌ഫോടനവും തീയിടലും മറ്റുമുണ്ടെന്നുള്ള വിവരങ്ങള്‍ പുറത്തുവന്നിരുന്നു.

ഇതേ തുര്‍ന്നാണ് ഷൂട്ടിങ് കേന്ദ്രത്തിന് സമീപവാസികൂടിയായ നൗഷാദ് കോടതിയെ സമീപിച്ചത്. ഹര്‍ജിക്കാര്‍ക്കുവേണ്ടി അഡ്വ. അജോയി പി. ബി ഹാജരായി. ഉദയ കൃഷ്ണ തിരക്കഥയില്‍ മോഹന്‍ ലാലിനെ നായകനാക്കി വൈശാഖ് സംവിധാനം ചെയ്യുന്ന \'പുലി മുരുകന്റെ ചിത്രീകരണം അവസാന ഘട്ടത്തിലാണ്. മുളക്പാടം ഫിലിംസിന്റെ ബാനറില്‍ ടോമിച്ചന്‍ മുളകുപാടം ചിത്രം നിര്‍മ്മിക്കുന്നു.
കാടിനുള്ളിലെ ചെറിയ ഗ്രാമത്തില്‍ ജീവിക്കുന്ന സാധാരണക്കാരനായ മുരുകന്റെ കഥയാണ് പുലി മുരുകനില്‍ പറയുന്നത്. വിയറ്റ്‌നമിലെ ഹാനയിയിലുള്ള വനതിനുള്ളിലും ചിത്രീകരണം നടന്നു. മോഹന്‍ ലാലും പുലികളും തമ്മിലുള്ള രംഗങ്ങള്‍ ആണ് ഇവിടെ ചിത്രീകരിച്ചത്. മോഹന ലാലും പുലികളും തമ്മിലുള്ള ആക്ഷന്‍ രംഗങ്ങളും ചിത്രത്തില്‍ ഉണ്ടാകും .

ഇതിനായി പരിശീലനം ലഭിച്ച പുലികള ലോകെഷനില്‍ എത്തിക്കുമെന്നും റിപ്പോര്‍ട്ടുകളുണ്ട്. സൈലന്റ് വാലി , അട്ടപാടി എന്നിവിടങ്ങളിലാണ് മറ്റ് ചിത്രീകരണങ്ങള്‍. കമാലിനി മുഖര്‍ജി, ജഗപതി ബാബു, സുരാജ് വെഞ്ഞാറ് മൂട്, ബാലാ, വിനു മോഹന്‍, കിഷോര്‍, നമിത തുടങ്ങിയവരാണ് മറ്റ് താരങ്ങള്‍.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha