മലയാളത്തിലെ ഏറ്റവും ഹാന്റ് സം നടനാണ് മമ്മൂട്ടി എന്നാണ് ബോളിവുഡ് സുന്ദരി ഹുമ ഖുറേഷി തുറന്ന് പറയുന്നത്. ചെറുപ്പം കാത്ത് സൂക്ഷിക്കുന്ന നടനാണ് മമ്മൂട്ടി. അദ്ദേഹത്തോടൊപ്പം അഭിനയിക്കുന്നതില്‍ വളരെയധികം സന്തോഷമുണ്ടെന്നും ഹുമ പറഞ്ഞു. ഉദയ് അനന്തന്‍ സംവിധാനം ചെയ്യുന്ന പുതിയ ചിത്രത്തിലാണ് ഹുമ മമ്മൂട്ടിയുടെ നായികയായി അഭിനയിക്കുന്നത്. ഗ്യാങ്‌സ് ഓഫ് വാസിപൂര്‍, ബദ് ലാപൂര്‍ എന്നീ ചിത്രങ്ങളിലൂടെ പ്രേക്ഷകരുടെ മനസ് കവര്‍ന്ന നടിയാണ് ഹുമ ഖുറേഷി.
തെന്നിന്ത്യയിലെ മികച്ച നടന്മാരായ വിജയ്, സൂര്യ എന്നിവരുടെ സിനിമകള്‍ വേണ്ടെന്ന് വച്ച നടിയാണ് ഹുമ. ചിത്രത്തിന്റെ തിരക്കഥ ഇഷ്ടപ്പെട്ടത് കൊണ്ടാണ് ഹുമ ഈ ചിത്രത്തില്‍ അഭിനയിക്കാമെന്ന് സംവിധായകന് ഉറപ്പ് നല്‍കിയത്.നടന്‍ മമ്മൂട്ടി തന്നെയാണ് ഹുമയുടെ പേര് നിര്‍ദേശിച്ചതെന്നും ഉദയ് അനന്തന്‍ പറഞ്ഞു. ഹുമയുടെ പേരാണ് മമ്മൂട്ടി നിര്‍ദേശിക്കാന്‍ പോകുന്നതെന്ന് സംവിധായകന്‍ പ്രതീക്ഷിച്ചിരുന്നില്ല. ഇന്ത്യയിലെ എല്ലാ അഭിനേതാക്കളെക്കുറിച്ചും ശരിയായ അറിവുള്ള നടനാണ് മമ്മൂട്ടിയെന്നും സംവിധായകന്‍ പറഞ്ഞു. കഴിവുള്ള എല്ലാ നടന്മാര്‍ക്കും മമ്മൂക്ക പ്രോത്സാഹനം നല്‍കാറുണ്ടെന്നും സംവിധയാകന്‍ പറഞ്ഞു.
പ്രണയകാലം,കേരളാ കഫേയിലെ മൃത്യുഞ്ജയം എന്നിവ ഒരുക്കിയ ഉദയ് അനന്തന്‍ പ്രാഞ്ചിയേട്ടന്‍ ആന്‍ഡ് ദ സെയിന്റ് എന്ന സിനിമയില്‍ രഞ്ജിത്തിന്റെ സഹ സംവിധായകനായിരുന്നു. ഉദയ് അനന്തന്‍,നന്ദിനി വല്‍സന്‍, പ്രവീണ്‍ ബാലകൃഷ്ണന്‍ എന്നിവര്‍ ചേര്‍ന്നാണ് വെറ്റിന്റെ തിരക്കഥ തയ്യാറാക്കിയിരിക്കുന്നത്. ബിപിന്‍ ചന്ദ്രന്റേതാണ് സംഭാഷണം. ലണ്ടന്‍, യൂറോപ്യന്‍ രാജ്യങ്ങളുമാകും ചിത്രത്തിന്റെ പ്രധാന ചിത്രീകരണം നടക്കുക. റഫീഖ് അഹമ്മദിന്റെ വരികള്‍ക്ക് രാഹുല്‍ രാജ് സംഗീതം പകരുന്നു. ഗണേശ് മേനോന്‍ ആണ് ഛായാഗ്രഹണം നിര്‍വ്വഹിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha