മോഹന്‍ലാലിനുവേണ്ടി 1000 കോടി രൂപയുടെ മുതല്‍ മുടക്കുമായി സൂപ്പര്‍ഹിറ്റ് സംവിധായകന്‍ രാജമൗലി. ഇന്ത്യന്‍ സിനിമയുടെ അദ്ഭുതമായി മാറിയ ബാഹുബലിക്ക് ശേഷം എസ് എസ് രാജമൗലി ഒരുക്കുന്ന 1000 കോടി രൂപയുടെ ബിഗ് ബജറ്റ് ചിത്രമായ ഗരുഡയില്‍ മലയാളത്തിന്റെ സ്വന്തം ലാലേട്ടനാണ് നായകനായി എത്തുന്നതെന്നാണ് റിപ്പോര്‍ട്ടുകള്‍. തെലുങ്ക്,തമിഴ്,മലയാളം,കന്നട, ഹിന്ദി ഉള്‍പ്പടെ ഇന്ത്യയിലെ വിവിധ ഭാഷകളിലായി ഒരുക്കുന്ന ചിത്രം ഇംഗ്ലിഷിലേക്കും റീമേക്ക് ചെയ്യും.
ഗരുഡ മഹാഭാരതത്തെ അടിസ്ഥാനമാക്കിയാണ് ഒരുക്കുന്നത്. ബാഹുബലി ഒരു വാര്‍ മൂവിയായിരുന്നു. എന്നാല്‍ രാജമൗലിയുടെ രണ്ടാമത്തെ ചിത്രമായ ബാഹുബലിയുടെ രണ്ടാം ഭാഗത്തിന്റെ ഷൂട്ടിങ് ഇപ്പോള്‍ പുരോഗമിച്ച് വരികയാണ്. ഇത് പൂര്‍ത്തിയായ ശേഷമേ ഗരുഡയുടെ ചിത്രീകരണം ആരംഭിക്കുകയുള്ളു. ഹോളിവുഡിന്റെ അള്‍ട്രാ റേഞ്ച് ഗ്രാഫിക്‌സുകളും വിഷ്വല്‍ ഇഫക്ട്‌സും ചിത്രത്തിനായി ഉപയോഗിക്കും. രാജമൗലിയുടെ സ്വപ്നപദ്ധതിയില്‍ ഒന്നുകൂടിയാണ് ഗരുഡ.
മോഹന്‍ാലാലിനൊപ്പം ഇന്ത്യന്‍ സിനിമയിലെ പ്രമുഖ താരങ്ങളും അഭിനയിക്കുമെന്നും റിപ്പോര്‍ട്ടുകളുണ്ട്. ബാഹുബലിയുടെ കഥയും തിരക്കഥയും ഒരുക്കിയ വിജയേന്ദ്ര പ്രസാദാണ് ഗരുഡയുടെയും തിരക്കഥ ഒരുക്കുന്നത്. ബജ്രംഗി ഭായിജാന്‍ പോലുള്ള സൂപ്പര്‍ ഹിറ്റ് ചിത്രങ്ങളുടെ കഥയും തിരക്കഥയും ഒരുക്കിയത് വിജയേന്ദ്ര പ്രസാദാണ്. ബാഹുബലിക്ക് ശേഷം മലയാളത്തിലെ യുവതാരം ദുല്‍ഖറിനെ നായകനാക്കി വിജയേന്ദ്ര പ്രസാദ് പുതിയ ചിത്രം ഒരുക്കുമെന്ന് വാര്‍ത്തകള്‍ ഉണ്ടായിരുന്നു. എന്നാല്‍ അതിനെ കുറിച്ച് കൂടുതല്‍ വാര്‍ത്തകള്‍ പുറത്ത് വന്നിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha