മലയാളത്തില്‍ പരാജയങ്ങള്‍ നേരിടേണ്ടി വന്ന നടനാണ് ഇന്ദ്രജിത്ത്. എന്നാല്‍ പരാജയങ്ങള്‍ വന്നു എന്ന് പറഞ്ഞ് സിനിമയില്‍ നിന്നും പിന്‍മാറില്ലെന്നാണ് ഇന്ദ്രജിത്ത് പറയുന്നത്. വേദനിപ്പിക്കുന് കഴിഞ്ഞ കാര്യങ്ങളെ കുറിച്ച് താന്‍ ഓര്‍ക്കാറില്ലെന്നും താരം പറയുന്നു. ഒരുപക്ഷേ ഇന്ദ്രജിത്തിനെക്കാളും സഹോദരന്‍ പൃഥ്വിരാജിനാണ് ഏറ്റവും കൂടുതല്‍ ചിത്രങ്ങള്‍ എന്നതാണ് സത്യം. പ്രേക്ഷകര്‍ക്ക് പൃഥ്വി പ്രിയനടനായി മാറി കഴിഞ്ഞിരിക്കുകയാണ്. നല്ല സിനിമകളുടെ ഭാഗമായിട്ടുണ്ടെങ്കിലും മികച്ച കഥാപാത്രങ്ങള്‍ ലഭിക്കാത്തത് ഇന്ദ്രജിത്തിന്റെ സിനിമാ കരീയര്‍ എന്നും മങ്ങി നിന്നു.
എന്നാല്‍ ഇനി കരുതലോടെ നീങ്ങാനാണ് ഇന്ദ്രജിത്തിന്റെ തീരുമാനം. ചവറു പോലെ കുറേ സിനിമകള്‍ കിട്ടിയിട്ട് കാര്യമില്ലല്ലോ. ഒരു സിനിമാ താരമെന്ന നിലയില്‍ ഇന്ദ്രജിത്തിന് സിനിമയില്‍ തിളങ്ങാനുള്ള സമയം തന്നെയാണിത്. കിട്ടുന്ന സിനിമകളൊക്കെ വാരി വലിച്ച് അഭിനയിക്കുക എന്ന അവസ്ഥയില്‍ മാറ്റം വേണം. ഇപ്പോള്‍ തനിയ്ക്ക് 35 വയസായി. അതുക്കൊണ്ട് തന്നെ വളരെ കരുതലോടെ വരു വര്‍ഷങ്ങളെ കാണണം. അമര്‍ അക്ബര്‍ അന്തോണി എന്ന ചിത്രത്തിലാണ് ഇന്ദ്രജിത്ത് ഇപ്പോള്‍ അഭിനയിച്ചുക്കൊണ്ടിരിക്കുന്നത്.
കൂടാതെ അടുത്ത വര്‍ഷത്തേക്ക് വേണ്ടി മൂന്ന് വലിയ പ്രോജക്ടാണ് എടുത്തിരിക്കുന്നത്. അതും ഒരുപാട് സമയം എടുത്താണ് ഈ ചിത്രങ്ങള്‍ക്ക് വേണ്ടി ഇന്ദ്രജിത്ത് കമ്മിറ്റാഡായിരിക്കുന്നതെന്ന് പറയുന്നു. പരാജയ ചിത്രങ്ങള്‍ ഉണ്ടായിരുന്നു. പക്ഷേ അതേ കുറിച്ച് പിന്നീട് ഓര്‍ത്ത് വിഷമം തോന്നാറില്ല. ഇനി വരാനിരിക്കുന്ന നല്ല ചിത്രങ്ങളാണ് എന്റെ മുമ്പില്‍ ഇന്ദ്രജിത്ത് പറയുന്നു. പൃഥ്വിയും ഞാനും സിനിമയെ സമീപിക്കുന്നത് രണ്ട് തരത്തിലാണെന്നും ഇന്ദ്രജിത്ത് പറയുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha