കാറ്റേ കാറ്റേ നീ പൂക്കാമരത്തിലെ... വിജയലക്ഷ്മിയ്ക്ക് പിറന്നാള് ആശംസകള്
മലയാളത്തിന്റെ പ്രിയ ഗായിക വൈക്കം വിജയലക്ഷ്മിക്ക് ഇന്ന് പിറന്നാള്. \'കാറ്റേ കാറ്റേ നീ പൂക്കാമരത്തിലെ... എന്ന ഗാനമാണ് വിജയലക്ഷ്മിയെ ഇത്രയും പ്രശസ്തിയില് എത്തിച്ചത്. മലയാളസിനിമയുടെ പിതാവ് ജെ.സി.ഡാനിയേലിന്റെ ജീവിതത്തെ ആസ്പദമാക്കി നിര്മിച്ച സെല്ലുലോയ്ഡ് എന്ന സിനിമയിലെ ഗാനമാണിത്. വിജയലക്ഷ്മിയ്ക്ക് ഇന്ന് മുപ്പത്തി നാല് വയസ് തികയുകയാണ്. ചുരുങ്ങിയ കാലത്തിനിടെ ആലാപനത്തിലെ വ്യത്യസ്തതയും ശബ്ദസൗകുമാര്യവുംകൊണ്ട് വിജയലക്ഷ്മി മലയാളിയുടെ ഗൃഹാതുരതയെ തൊട്ടുണര്ത്തുന്ന ഗായികയായി മാറി.
ഈവര്ഷം മലയാളം, തമിഴ്, തെലുങ്ക് സിനിമകളില് ഗാനമാലപിച്ച് വിജയലക്ഷ്മിക്ക് സംഗീതപരിപാടികളും ഏറെയായിരുന്നു. തമിഴില് ഒരു സംഘടന \'എന്നമ്മോ ഏതോ\', \'കുക്കു\' എന്നീ തമിഴ് സിനിമകളിലെ ഗാനങ്ങളെ മുന്നിര്ത്തി കലാകാരന് നല്കുന്ന ഇന്റര്നാഷണല് അവാര്ഡായ ബിഹൈന്ഡ് വുഡ്സ് ഗോള്ഡ് മെഡല് ഈ വര്ഷം വിജയലക്ഷ്മിക്കായിരുന്നു. ഇപ്പോള് മലയാളത്തില് \'കനല്\', തമിഴില് \'പത്ത് എന്ട്രതുക്കുള്ളില്\' എന്നീ സിനിമകളില് പാടി.
ഇന്ത്യ മുഴുവന് തരംഗമായി മാറിയിരിക്കുന്ന ബ്രഹ്മാണ്ട ചിത്രം ബാഹുബലിയിലും വിജയലക്ഷ്മി പാടിയിട്ടുണ്ട്. മലയാളത്തില് ഇതിനകം 16 സിനിമകളിലും തമിഴില് 18 സിനിമകളിലും പാടിയ വിജയലക്ഷ്മി മലയാളത്തിലെന്നപോലെ തമിഴിലും ഗായിക എന്ന നിലയില് മേല്വിലാസം നേടിക്കഴിഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
https://www.facebook.com/Malayalivartha
