മീരാ ജാസ്മിനെക്കുറിച്ച് പറയാന് എന്തവകാശം: സംവിധായകന് കമലിനെതിരേ ആഞ്ഞടിച്ച് സിന്ധുജോയി
മീരാ ജാസ്മിന് പിന്തുണയുമായി സിന്ധു ജോയി രംഗത്ത്. മീര ബുദ്ധിയും കഴിവും ഉള്ള നടിയാണ് അതുപോലെ തന്നെ അവസരങ്ങള്ക്കായി സംവിധായകര്ക്ക് വഴങ്ങാറുമില്ല അതാകാം മീരക്കെതിരെയുള്ള ആരോപണം. സിന്ധു ആഞ്ഞടിക്കുന്നു. സംവിധായകരുടെ കാല് പിടിച്ചാലെ അവസരങ്ങള് കിട്ടൂ എന്ന വിധത്തില് മലയാള സിനിമ അധപതിക്കരുത്. എന്റെ അറിവില് മീരക്ക് കുറച്ച് തന്റേടമുണ്ട്, അത്തരക്കാര്ക്ക് മാത്രമേ സിനിമയയില് പിടിച്ചുനില്ക്കാന് കഴിയൂ. തക്കസമയത്ത് പ്രതികരിക്കാതെ ഇത്തരക്കാര് പിന്നീട് ഇതൊക്കെ പറഞ്ഞു നടക്കുന്നത് അല്പത്തരമാണെന്നും അവര് ആരോപിക്കുന്നു.
നടി മീരാ ജാസ്മിനെതിരേ ഗുരുതര ആരോപണങ്ങളുമായി രംഗത്തെത്തിയ സംവിധായകന് കമലിനെതിരേ സിന്ധുജോയി രംഗത്ത്. മീരയ്ക്കെതിരെ കമല് നടത്തിയ പരാമര്ശങ്ങള് നീതിയ്ക്ക് നിരക്കാത്തതാണെന്ന് സിന്ധു ജോയി തന്റെ ഫേസ്ബുക്ക് പേജിലൂടെ അഭിപ്രായപ്പെട്ടു. ഷൂട്ടിംഗ് സമയത്ത് വൈകി എത്തി എന്നും,സിനിമയിലെ ടെക്നീഷിയന്മാരോട് മോശമായി പെരുമാറിയെന്നും കമല് പറയുന്നു എങ്കില് ഇതൊക്കെ കമല് എന്ത് കൊണ്ട് നേരത്തെ പറഞ്ഞില്ല എന്നും സിന്ധു ജോയി ചോദിയ്ക്കുന്നു. ഇത്രയേറെ പ്രശ്നങ്ങള് ആദ്യ ചിത്രം തൊട്ടു ഉണ്ടാക്കിയ നടിയെ വീണ്ടും വീണ്ടും നായിക ആക്കിയത് എന്ത് കൊണ്ട്? മലയാള സിനിമ സ്ത്രീ വിരുദ്ധം ആണ് എന്ന് കേട്ടിടുണ്ട് എന്നാല് ഇത്രയേറെ സ്ത്രീവിരുദ്ധം ആണെന്ന് ഇപ്പോഴാണ് മനസിലായതെന്നും സിന്ധു പറയുന്നു. ഏതായാലും സിന്ധു ജോയിയുടെ പോസ്റ്റിന് വളരെ വലിയ സ്വീകരണമാണ് എഫ്ബിയില് ലഭിയ്ക്കുന്നത്. ഇതിനോടകം തന്നെ നിരവധി ലൈക്കുകളും കമന്റുകളും ഷെയറുകളും ആണ് പോസ്റ്റിന് ലഭിയ്ക്കുന്നത്.
നേരത്തെ, മീരാ ജാസ്മിന് സ്വയമസ്തമിച്ച പകല് എന്ന തലക്കെട്ടോടുകൂടി മലയാളത്തിലെ ഒരു ആഴ്ചപ്പതിപ്പിലായിരുന്നു സംവാധായകന് കമല് മീരാ ജാസ്മിനെതിരേ രംഗത്ത് വന്നത്. ഗ്രാമഫോണ് സിനിമയുടെ സെറ്റില് വച്ച് ദിവസങ്ങള്ക്കുളളില് അവരൊരു താരമായി മാറിയെന്ന ധാരണമൂലം പലരീതിയില് പലരോടും പെരുമാറുവാന് തുടങ്ങിയതായും അസിസ്റ്റന്റുമാരോടും, ടെക്നീഷ്യന്മാരോടൊക്കെ മോശമായി പെരുമാറിയ മീരാ ജാസ്മിനെ പലവട്ടം വിളിച്ച് ഈ കാര്യത്തില് താക്കീത് ചെയ്യേണ്ട സ്ഥിതിയുണ്ടായത് കമല് പറഞ്ഞിരുന്നു. സത്യന് അന്തിക്കാടിന്റെ സിനിമാ ചിത്രീകരണത്തിനിടയില് പതിനൊന്ന് മണി വരെ സെറ്റില് മോഹന്ലാല് അടക്കം എല്ലാവരും മീരാജാസ്മിനെ കാത്തിരിക്കേണ്ടി വന്ന കാര്യവും കമല് വ്യക്തമാക്കിയിരുന്നു.
തമിഴകത്തിന്റെ നയന്സ്
എന്നാല് അതേ സമയം സമയ നിഷ്ഠയുടെ കാര്യത്തില് സംവിധായകന് സിദ്ദിഖ് പല വട്ടം നയന്താരയെ പുകഴ്ത്തിയിട്ടുമുണ്ട്. സിനിമയോടുള്ള നയന്താരയുടെ സമീപനം അത്രയും ആത്മാര്ത്ഥത നിറഞ്ഞതാണ് എന്നാണ് സിദ്ദിഖിന്റെ അഭിപ്രായം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
