പ്രണയം തുറന്നു പറഞ്ഞ് മേഘ്‌ന. വിനയന്‍ സംവിധാനം ചെയ്ത യക്ഷി എന്ന ചിത്രത്തിലൂടെ മലയാളത്തില്‍ വരവറിയിച്ച നടി മേഘ്‌ന രാജ് പ്രണയത്തിലാണെന്നും കാമുകന്‍ കന്നട യുവനടന്‍ ചിരഞ്ജിവിയാണെന്നും കേള്‍ക്കാന്‍ തുടങ്ങിയിട്ട് നാളേറയായി. ഇരുവരുടെയും വീട്ടുകാര്‍ പ്രണയം അംഗീകരിച്ചതായും ഉടനെ വിവാഹം ഉണ്ടാകുമെന്നും വാര്‍ത്തകള്‍. എന്നാല്‍ താരങ്ങളിരുവരും ഇതുവരെ അത് തുറന്ന് സമ്മതിച്ചിരുന്നില്ല. എന്നാല്‍ അടുത്തിടെ നടി മേഘ്‌ന നടത്തിയ വാക്കുകളിലൂടെ നടിയുടെ ജീവിത നായകന്‍ ചിരഞ്ജിവി തന്നെയെന്ന് ഉറപ്പിച്ചിരിക്കുകയാണ് പാപ്പരാസികള്‍.
ഇപ്പോള്‍ അറിഞ്ഞാണോ അറിയാതെയാണോ മേഘ്‌ന തന്നെ പറായതെ പറഞ്ഞിരിക്കുകയാണ് തന്റെ ജീവിതത്തിലെ നായകനാരാണെന്ന്.ചിരഞ്ജീവിയുടെ സഹോദരന്‍ ധ്രുവ് സര്‍ജയുടെ ജന്മദിനത്തില്‍ മേഘ്‌ന ആശംസകള്‍ അര്‍പ്പിച്ചത് അദ്ദേഹത്തെ ഭര്‍തൃസഹോദരന്‍ എന്നു വിശേഷിപ്പിച്ചാണ്. ഇത് ട്വിറ്ററിലായതിനാല്‍ അധികമാരും ശ്രദ്ധിച്ചതുമില്ല. പക്ഷേ കന്നട മാദ്ധ്യമങ്ങള്‍ സംഭവം വാര്‍ത്തയാക്കി. എന്നാല്‍ ഇതിനോട് ഇരുവരും ഇതു വരെ പ്രതികരിച്ചിട്ടില്ല.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha