കായംകുളം എംഎസ്എം കോളജിലെത്തിയ രാഹുല്‍ ഈശ്വറിന്റെ കാര്‍ തല്ലിത്തകര്‍ത്ത സംഭവത്തെ അപലപിച്ച് സംവിധായകന്‍ ആഷിക് അബു രംഗത്ത്. രാഹുല്‍ ഈശ്വരന്റെ കാര്‍ തല്ലിത്തകര്‍ത്ത ചേട്ടന്‍മാര്‍ ചെയ്യുന്ന പണി മറ്റേത് തന്നെയാണെന്ന് ആഷിക് അബു ഫെയ്‌സ്ബുക്കില്‍ കുറിച്ചു. യുവജന ക്ഷേമ ബോര്‍ഡിന്റെ പരിപാടിയില്‍ പങ്കെടുക്കാന്‍ എത്തിയപ്പോഴായിരുന്നു രാഹുലിന്റെ കാര്‍ തല്ലിത്തകര്‍ത്തത്. പരിപാടിയില്‍ പങ്കെടുത്ത് പുറത്തിറങ്ങുമ്പോഴാണ് കാര്‍ തകര്‍ത്ത നിലയില്‍ കണ്ടെത്തിയത്.
രാഹുല്‍ ഈശ്വര്‍ കായംകുളം ഡിവൈഎസ്പിക്ക് പരാതി നല്‍കി. ബീഫ് വിഷയത്തില്‍ പ്രതികരിച്ചില്ലെന്ന് ആരോപിച്ചാണ് വിദ്യാര്‍ത്ഥികള്‍ രാഹുല്‍ ഈശ്വറിനെ തടഞ്ഞത്. സൈബര്‍ കുറ്റകൃതം എന്ന വിഷയത്തില്‍ ക്ലാസ് എടുത്തതിന് ശേഷം പുറത്തിറങ്ങിയ തന്നെ ഒരു കൂട്ടം വിദ്യാര്‍ത്ഥികള്‍ തടഞ്ഞതായും രാഹുല്‍ ഈശ്വര്‍ പറഞ്ഞു. മുന്‍കാലങ്ങളില്‍ നടത്തിയ വിവാദ പ്രസ്താവനകളുടെ പേരിലാണ് ആക്രമണമെന്നും സൂചനയുണ്ട്.
നേരത്തെ കേരളവര്‍മ്മ കോളേജിലെ ബീഫ് ഫെസ്റ്റിവല്‍ വിവാദത്തിലും അധ്യാപിക ദീപ നിശാന്തിന് പിന്തുണയുമായി ആഷിഖ് അബു എത്തിയിരുന്നു. \'വിവേകം, യുക്തി, മനുഷ്യത്തം എന്നിവ പറയുന്നവര്‍ കല്ലേറ് കൊള്ളുന്ന കാലമാണ് ടീച്ചര്‍. ഭയപെടരുത്, കേരളജനത കൂടെയുണ്ട്\' എന്നായിരുന്നു ആഷികിന്റെ പോസ്റ്റ്.സാമൂഹിക വിഷയങ്ങളിലെല്ലാം തന്റെ അഭിപ്രായങ്ങളുമായി മുന്നോട്ടു വരുന്ന സംവിധായകനാണ് ആഷിഖ് അബു. സ്വന്തം അഭിപ്രായപ്രകടനത്തിനുള്ള സ്വാതന്ത്ര്യം നിഷേധിക്കപ്പെടുന്ന കാഴ്ചയ്‌ക്കെതിരെയാണ് സോഷ്യല്‍ മീഡിയയില്‍ പ്രതിഷേധം ശക്തമായിരിയ്ക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha