തൂങ്കാവനം പോസ്റ്ററിലെ തട്ടിപ്പ് ആരാധകര് കയ്യോടെ പൊക്കി, \'സക്കറിയയുടെ ഗര്ഭിണി\'കളിലെ ആശ ശരത്തിന്റെ തലയും നിത്യാമേനോന്റെ ഉടലുമാണ് പോസ്റ്ററിലെ ചിത്രത്തിന്
കമല്ഹാസന് നായകനായ തൂങ്കാവനത്തിന്റെ പോസ്റ്റര് പ്രേക്ഷകരെ കബളിപ്പിച്ചെന്ന ആരോപണത്തില് മുങ്ങി . മലയാള താരം ആശ ശരത്തിന്റെ ചിത്രമടങ്ങിയ പോസ്റ്ററാണ് സിനിമാ പേജുകളിലും ഗ്രൂപ്പുകളിലും ചര്ച്ചയാകുന്നത്.
പോസ്റ്ററിലുള്ള ആശ ശരത്തിന്റെ ചിത്രത്തിന്റെ മുഖം മാത്രമാണ് ആശ ശരത്തിന്റേതെന്നും ഉടല് നിത്യാ മേനോന്റേതാണെന്നുമാണ് ആരാധകരുടെ കണ്ടെത്തല്. മാത്രമല്ല, മുഖം സക്കറിയയുടെ ഗര്ഭിണികള് എന്ന ചിത്രത്തിലേതാണ് എന്നും അവര് കണ്ടെത്തി.
ഗൂഗിളില് സെര്ച്ച് ചെയ്താല് ഇക്കാര്യം വ്യക്തമാകുമെന്നും ഇവര് അവകാശപ്പെടുന്നു. പോസ്റ്ററിലെ ആശ ശരത്തിന്റെ അതേ വേഷത്തില് അതേ പോസില് നില്ക്കുന്ന നിത്യാ മേനോന്റെ ചിത്രം ഗൂഗിളില് നിന്ന് കണ്ടെത്താന് സാധിക്കും.
ഫോട്ടോഷോപ്പ് ഉപയോഗിക്കുന്നതില് തെറ്റില്ല. എന്നാല് മറ്റൊരു ചിത്രത്തിലെ മുഖവും, മറ്റൊരു നടിയുടെ ഉടലും ചേര്ത്ത് എന്തിന് പോസ്റ്റര് തയ്യാറാക്കുന്നുവെന്ന ചോദ്യമാണ് ആരാധകര് ഉന്നയിക്കുന്നത്.
ചിത്രത്തില് കമല്ഹാസന്റെ ഭാര്യയുടെ വേഷത്തിലാണ് ആശാ ശരത് എത്തുന്നത്. എന്നാല്, ചിത്രവുമായി യാതൊരു ബന്ധവുമില്ലാത്ത നടിയാണ് നിത്യാ മേനോന്. 2011-ല് റിലീസ് ചെയ്ത ഫ്രഞ്ച് സിനിമ സ്ലീപ് ലെസ് നൈറ്റിന്റെ റീമേക്കാണ് തൂങ്കാവനം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
