മലയാള മനസുകള്‍ കീഴടക്കിയ കാര്‍ത്തിക സ്‌റ്റൈലന്‍ ചിരിയുമായി തലസ്ഥാനത്ത്. കാര്‍ത്തിക കഴിഞ്ഞ ദിവസം സൂര്യ ഫസ്റ്റിവെലിന്റെ ഭാഗമായി സിനിമാതാരം നവ്യാ നായരുടെ \'ശിവോഹം\' എന്ന നൃത്തസംഗീത സമന്വയം കാണാനെത്തിയതായിരുന്നു. കാര്‍ത്തികയുടെ ലാലുമൊത്തുള്ള പഴയ ചിത്രങ്ങള്‍ ഒരിക്കലും മലയാളിക്ക് മറക്കാന്‍ കഴിയില്ല. സംവിധായകനായ ബാലചന്ദ്ര മേനോന്‍ ആണ് മണിച്ചെപ്പ് തുറന്നപ്പോള്‍ എന്ന ചിത്രത്തിലൂടെ മലയാളിക്ക് ഏറെ പ്രിയപ്പെട്ട ഈ നായികയെ അവതരിപ്പിച്ചത്. ലളിതവും, ഗൃഹാതുരത്വവുമുള്ള കഥാപാത്രങ്ങളിലൂടെ ശ്രദ്ധേയയായ കാര്‍ത്തിക കൂടുതലും മോഹന്‍ലാലിന്റെ നായികയായിട്ടാണ് അഭിനയിച്ചിട്ടുള്ളത്.
മലയാള സിനിമയിലെ എക്കാലത്തേയും ഹിറ്റുകളിലൊന്നായ താളവട്ടം. ഗാന്ധിനഗര്‍ സെക്കന്റ്‌സ്ട്രീറ്റ്, സന്മനസുള്ളവര്‍ക്ക് സമാധാനം, ഉണ്ണികളേ ഒരു കഥപറയാം, ജനുവരി ഒരോര്‍മ്മ, ദേശാടനക്കിളി കരയാറില്ല എന്നീ സിനിമകളിലൂടെ മലയാളിയുടെ ഇഷ്ടജോഡികളായി ലാലും കാര്‍ത്തികയും. ഇപ്പോഴും ടെലിവിഷന്‍ പ്രേക്ഷകര്‍ക്ക് ഒരിക്കലും മടുക്കാത്ത ദൃശ്യാനുഭവങ്ങളാണ് ഈ സിനിമകള്‍. നായകന്‍ എന്ന ചിത്രത്തില്‍ കമലഹാസന്റെ നായികയായും കാര്‍ത്തിക അഭിനയിച്ചു.
വിവാഹത്തോടെ സിനിമാഭിനയം നിര്‍ത്തിയിരുന്നു. ഡോ. സിന്ധു ജോയി ആണ് കാര്‍ത്തികയുമായുള്ള ചിത്രം ഫെയ്‌സ്ബുക്കില്‍ പോസ്റ്റ് ചെയ്തത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha