ആ ബാലന്മാരുടെ വിശപ്പിന്റെ വിളി മോഹന്ലാല് കേട്ടു; അതില് മനസ്സാ പങ്കുകൊണ്ടു, വിവാദങ്ങള്ക്കു പിന്നാലെ പോകുന്നവരെ പലതും ഓര്മ്മിപ്പിച്ച് താരത്തിന്റെ ബ്ലോഗ്
വിവാദങ്ങള് നമ്മളെ യഥാര്ത്ഥ കാഴ്ചകളില് നിന്നും പലതും മറയ്ക്കുന്നു ഇത് ഓര്മ്മിപ്പിക്കുന്നത് മറ്റാരുമല്ല മോഹന്ലാലാണ്. വിവാദങ്ങളില് രസിക്കുന്നവര് ശ്രദ്ധിക്കാതെ പോകുന്ന കാര്യങ്ങളെ എണ്ണിപ്പറയുന്ന താരം സാമൂഹ്യ പ്രസക്തമായ ഒരു വലിയ ചോദ്യം സമൂഹത്തിന് മുന്നിലേക്ക് ഇട്ടുകൊടുക്കുകയാണ്. \'ഈ വിശപ്പിന് മുന്നില് മാപ്പ്\' എന്ന തലക്കെട്ടില് എഴുതിയ ബ്ലോഗിലാണ് എല്ലാവരും ഉത്തരവാദിത്വം മറന്നുപോയി എന്ന് ലാല് ഓര്മ്മിപ്പിക്കുന്നത്. മാലിന്യത്തില് നിന്നും ഭക്ഷണം എടുത്ത് കഴിക്കുന്ന ആദിവാസി ബാലന്മാരുടെ മാതൃഭൂമി പത്രത്തില് വന്ന വാര്ത്തയും ചിത്രവും വിഷയമാക്കിയാണ് ബ്ലോഗ് എഴുത്ത്.
സ്വന്തം ആവാസസ്ഥലത്ത് നിന്നും നഗരത്തിലേക്ക് ഇറങ്ങിവന്ന് നഗരത്തിന്റെ ഉച്ഛിഷ്ടവും മാലിന്യവും ഭക്ഷിച്ച് ജീവിക്കേണ്ട ഈ കുട്ടികളേ കുറിച്ചുള്ള വാര്ത്തയും ചിത്രവും..അത് കണ്ടത് മുതല് എന്റെ മനസ്സ് അസ്വസ്ഥമായി എന്ന് ലാല് പറയുന്നു. ആദിവാസികള്ക്കൊപ്പം വിവിധ സിനിമയുടെ ഭാഗമായി പ്രവര്ത്തിച്ച കാലങ്ങളേയും ലാല് ബ്ലോഗില് അനുസ്മരിക്കുന്നുണ്ട്. ആദിവാസികള്ക്ക് വേണ്ടി ആവിഷ്കരിച്ച പദ്ധതികളും പണവും എവിടെ പോയി. ഭരിക്കുന്ന മന്ത്രിമാര് മുതല് ഞാനടക്കമുള്ള സാധാരണ പൗരന്മാര്വരെ ഇതില് കുറ്റക്കാരാണ്. തെറ്റുകാരാണ്. നമുക്കാര്ക്കും ആത്മാര്ത്ഥയില്ല. മനുഷ്യന് വേണ്ടി നിലകൊള്ളുന്ന നിയമവും മനസ്സും നമുക്കില്ല.
ഈ വിഷയത്തില് എന്ന വേദനയോടെ അത്ഭുതപ്പെടുത്തിയ മറ്റൊരു കാര്യമുണ്ട്. ഇത്രയും പ്രധാനപ്പെട്ട ഒരു വാര്ത്ത വന്നിട്ടും അതിന്റെ പേരില് ഒരു വലിയ ഞെട്ടലോ ബഹളമോ ഒന്നും നമുക്കിടയില് ഉണ്ടായില്ല എന്നതാണ് അത്. വാര്ത്തയെ മറന്ന് നാം തിരഞ്ഞെടുപ്പിന്റെയും ബാര് കോഴയുടേയും, രാജിവെക്കലിന്റേയും ഉത്സവക്കാഴ്ചകളിലേക്ക് പോയി. എല്ലാകാര്യങ്ങളിലും ഇടപെട്ട് സമൂഹത്തിന്റെ മനസ്സാക്ഷിയെ വരെ മാറ്റിമറിക്കുന്ന നവമാദ്ധ്യമങ്ങളും വലിയ ശ്രദ്ധ ചെലുത്തിയില്ല. പരിഹാസങ്ങളും പരദൂഷണങ്ങളും വ്യക്തിഹത്യകളും മാത്രമാണോ നാം ഷെയര് ചെയ്യാന് കൂടുതല് ഇഷ്ടപ്പെടുന്നത് എന്ന് ലാല് ചോദിക്കുന്നു.
മാലിന്യം ഭക്ഷണമാക്കുന്ന ആദിവാസി ബാലന്മാരുടെ ഈ ചിത്രത്തിനും വാര്ത്തയ്ക്കും മുന്നില് മനുഷ്യനെന്ന നിലയിലും മലയാളി എന്ന നിലയിലും ഭക്ഷണം ആസ്വദിച്ച് കഴിക്കുന്ന ആളെന്ന നിലയിലും ഞാന് ലജ്ജിച്ച്, കുറ്റബോധത്തോടെ തലതാഴ്ത്തി കണ്ണീരണിഞ്ഞ് നില്ക്കുന്നു. ഈ മഹാപാപത്തില് നിന്ന് ഒരു ഭാഗം ഞാനും പങ്കിട്ടെടുക്കുന്നു. മനുഷ്യവംശത്തോട് മാപ്പ് പറയുന്നു.. എന്ന് പറഞ്ഞുകൊണ്ടാണ് ബ്ലോഗ് അവസാനിപ്പിക്കുന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
