തമിഴ്‌നാട്ടിലെ കനത്ത മഴയെ തുടര്‍ന്ന് ദുരിതമനുഭവിക്കുന്നവരുടെ കൂട്ടത്തില്‍ നടി കനിഹയുമുണ്ട്. ഇപ്പോഴും അവസ്ഥയില്‍ മാറ്റമില്ലാതെ വന്നപ്പോള്‍ വീട് വിട്ട് പോകുകയല്ലാതെ താരത്തിനും കുടുംബത്തിനും മറ്റൊരു വഴിയില്ല. വീടിന് ചുറ്റും വെള്ളമാണ്, ഒന്ന് പുറത്ത് ഇറങ്ങാന്‍ കഴിയാതെ ഒരു മാസത്തോളമായി കനിഹയും കുടുംബവും വീടിനുള്ളില്‍ തന്നെ കുടുങ്ങി കിടക്കുന്നത്.
കുട്ടികള്‍ സ്‌കൂളില്‍ പോകാന്‍ പോലും കഴിയാതെ വീടിനുള്ളില്‍ തന്നെയാണ്. ഇനിയും വീടിനുള്ളില്‍ ദിവസങ്ങള്‍ തള്ളി നീക്കാന്‍ കഴിയാത്ത അവസ്ഥ വന്നപ്പോഴാണ് കനിഹയും കുടുംബവും വീടു വിട്ടിറങ്ങുന്നത്.കഴിഞ്ഞ മാസം തുടങ്ങിയ കനത്ത മഴയിലും വെള്ളപൊക്കത്തിലും തമിഴ്‌നാട്ടില്‍ ഒട്ടേറെ പേര്‍ മരിച്ചതായാണ് റിപ്പോര്‍ട്ടുകള്‍.
കനിഹ തന്നെയാണ് വീട് വിട്ടു പോകുന്നത് ഫേസ്ബുക്ക് പേജിലൂടെ അറിയിച്ചത്. ഈ അവസ്ഥയ്ക്ക് പരിഹാരമുണ്ടാക്കാന്‍ താന്‍ ആരോട് പരാതിപ്പെടണമെന്നറിയില്ല. കുട്ടികളും താനും ദിവസങ്ങളായി വീടിനുള്ളില്‍ തന്നെയാണെന്നും കനിഹ അടുത്തിടെ ഫേസ്ബുക്കിലൂടെ പറഞ്ഞിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha