ഇത് വല്ലാത്ത ദുരനുഭവമായി. തന്നെയും തന്റെ സംഗീതത്തെയും കസ്റ്റംസ് ഉദ്യോഗസ്ഥര്‍ അവഹേളിച്ചതായി സംഗീതസംവിധായകന്‍ എം ജയചന്ദ്രന്‍. കരിപ്പൂര്‍ വിമാനത്താവളത്തിലെ കസ്റ്റംസ് ഉദ്യോഗസ്ഥരാണ് തന്നെ അപമാനിച്ചതെന്നു കാട്ടി എം ജയചന്ദ്രന്‍ അധികൃതര്‍ക്കു പരാതി നല്‍കി.
ക്യൂവില്‍ നിന്ന തന്നെയും, തന്റെ സംഗീതത്തെയും അപമാനിക്കുകയും അവഹേളിക്കുകയുമാണ് ഉദ്യോഗസ്ഥര്‍ ചെയ്തതെന്നു ജയചന്ദ്രന്‍ പറഞ്ഞു.
മൃഗങ്ങളോടെന്ന പോലെയാണ് തന്നോട് പെരുമാറിയത്. നിങ്ങള്‍ സംഗീതജ്ഞന്‍ ആണെന്ന കാര്യം തനിക്കറിയേണ്ടതില്ലെന്നും ഉദ്യോഗസ്ഥന്‍ പറഞ്ഞു. അപമാനിക്കാന്‍ ശ്രമിച്ച കസ്റ്റംസ് അസിസ്റ്റന്റ് കമ്മീഷണര്‍ക്ക് എതിരെ എം.ജയചന്ദ്രന്‍ പരാതിയും നല്‍കിയിട്ടുണ്ട്. പരാതിയില്‍ നടപടി എടുക്കാമെന്ന് എയര്‍പോര്‍ട്ട് മാനേജരും എയര്‍പോര്‍ട്ട് ഡയറക്റ്ററും ഉറപ്പുനല്‍കിയിട്ടുണ്ടെന്നും എം ജയചന്ദ്രന്‍ പറഞ്ഞു.
ക്യൂ തെറ്റിച്ച് പലരെയും കടന്നുപോകാന്‍ അസിസ്റ്റന്റ് കമ്മീഷണര്‍ അനുവദിച്ചെന്നും ഇത് ചോദ്യം ചെയ്തപ്പോഴാണ് തന്റെ നേരെ മോശമായി പെരുമാറിയതെന്നും അദ്ദേഹം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha