മറ്റ് വലിയ ആഘോഷങ്ങളൊന്നും ഇല്ലാതെ മലയാളത്തിന്റെ പ്രിയ നടി കാതല്‍ സന്ധ്യ വിവാഹിതയായി. ഗുരുവായൂര്‍ അമ്പല നടയില്‍ വച്ചായിരുന്നു വിവാഹം. ചെന്നൈയില്‍ ഐടി ബിസിനസ് സ്ഥാപന ഉടമയായ വെങ്കിട് ചന്ദ്രശേഖരനാണ് വരന്‍.
വിവാഹം ആഘോഷമാക്കി നടത്താന്‍ തന്നെയാണ് സന്ധ്യയുടെ ബന്ധുക്കള്‍ തീരുമാനിച്ചിരുന്നത്. ക്ഷണക്കത്തും വിവാഹ വസ്ത്രങ്ങളും ആഭരണങ്ങളുമൊക്കെ തയ്യാറാക്കി കാത്തിരുന്നപ്പോഴാണ് ചെന്നൈയില്‍ പ്രളയമുണ്ടായത്. വടപളനിയിലെ ആറാം നമ്പര്‍ ഫ്‌ലാറ്റില്‍ സന്ധ്യയും കുടുംബവും കുടുങ്ങിപ്പോയി.
വെള്ളപ്പൊക്കത്തില്‍ ഒറ്റപ്പെട്ട അശോക് നഗറിലെ ചന്ദ്രശേഖറിന്റെ കുടുംബവുമായി ബന്ധപ്പെടാനും സാധിച്ചില്ല. ഒടുവില്‍ വെള്ളിയാഴ്ച ഉച്ചയോടെ ഇരുകുടുംബങ്ങളും ഫോണില്‍ ബന്ധപ്പെട്ടു. വിവാഹാവശ്യത്തിനുള്ള സാധനങ്ങള്‍ കാറില്‍ കയറ്റിയപ്പോള്‍ എന്‍ജിനൊപ്പം വെള്ളം. ഒടുവില്‍ കാര്‍ തള്ളി, വെള്ളമില്ലാത്ത ഇടത്ത് എത്തിച്ച സ്റ്റാര്‍ട്ടാക്കി.

ബസ് വടകയ്ക്ക് വിളിച്ച് ഇരുകുടുംബങ്ങളും ശനിയാഴ്ച അര്‍ദ്ധരാത്രിയോടെ ഗുരുവായൂരില്‍ എത്തി. പ്രളയത്തിന്റെ കര നീന്തിക്കടന്ന് സന്ധ്യയ്ക്കും ചന്ദ്രശേഖറിനും മാംഗല്യം. വിവാഹത്തിന് മാറ്റിവച്ച തുക ചെന്നൈയില്‍ ദുരിദമനുഭവിയ്ക്കുന്നവര്‍ക്ക് നല്‍കുമെന്ന് സന്ധ്യയുടെ രക്ഷിതാക്കള്‍ അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha