ഏറെ കാത്തിരിപ്പിനൊടുവിൽ ബിഗ്ബോസ് സീസൺ 5  ആരംഭിച്ചതിന്റെ സന്തോഷത്തിലാണ് ബിബി പ്രേക്ഷകർ.ആദ്യത്തെ രണ്ട് എപ്പിസോഡ് കഴിഞ്ഞപ്പോൾ തന്നെ വീട്ടിലെ അവസ്ഥ സംഭവബഹുലമായിക്കൊണ്ടിരിക്കുകയാണ്.കഴിഞ്ഞ സീസണിൽ നിന്ന് വ്യത്യസ്തമായി ഇത്തവണ വിവിധ മേഖലകളിൽ പ്രശസ്തരായ വ്യക്തികൾക്കൊപ്പം പൊതുജനങ്ങളെ പ്രതിനിധീകരിച്ച് സാധാരണക്കാരിയായ ഒരു മത്സരാർത്ഥി കൂടെ ഉണ്ട്.

ചുരുങ്ങിയ സമയം കൊണ്ട് തന്നെ സംവിധായകൻ അഖിൽ മാരാർ ആരാധകരെ സൃഷ്ടിച്ചു കഴിഞ്ഞു. എന്നാൽ മാരാരുടെ പേര് ആദ്യം മുതൽ തന്നെ ബിഗ്ബോസ് പ്രഡിക്ഷൻ ലിസ്‍റ്റുകളിൽ ഇടം നേടിയിരുന്നു.ഇപ്പോൾ അഖില്‍ മാരാർ മുൻപ് ബിഗ് ബോസിനെക്കുറിച്ച് പറഞ്ഞ കാര്യങ്ങളാണ് സോഷ്യൽ മീഡിയയിൽ വൈറലാകുന്നത്.ഒരു ഓൺലൈൻ മാധ്യമത്തിന് നൽകിയ അഭിമുഖമാണ് വൈറലാകുന്നത്.ഉണ്ണി മുകുന്ദൻ നായകനായി എത്തിയ മാളികപ്പുറം സിനിമാ പ്രൊമോഷൻ സമയത്തുണ്ടായ വിവാദത്തിൽ അഖിൽ മാരാർ നടത്തിയ പരാമർശങ്ങൾ ശ്രദ്ധേയമായിരുന്നു.

സീക്രട്ട് ഏജന്റ് എന്നറിയപ്പെടുന്ന യൂട്യൂബർ സായി നടൻ ഉണ്ണി മുകുന്ദനെതിരെ നടത്തിയ പരാമർശങ്ങളാണ് വിവാദങ്ങൾക്ക് തുടക്കം കുറിച്ചത്.തുടർന്ന് നടൻ സായിയെ വിളിച്ച് ശകാരിക്കുന്ന ഓഡിയോ റെക്കോർഡ് പുറത്ത് വിട്ടതിനെത്തുടർന്നാണ് വിവാദങ്ങൾ ഉയരാൻ തുടങ്ങിയത്.സീക്രട്ട് ഏജന്റിനെ വിമർശിച്ചെത്തിയ അഖിൽ മാരാർ ബിഗ്ബോസ് സീസൺ 4 മത്സരാർത്ഥി റോബിനെയും രൂക്ഷമായി വിമർശിച്ചിരുന്നു.ഇതെല്ലാം ചെയ്യുന്നത് ബിഗ്ബോസിൽ കേറാനാണോയെന്ന ചോദ്യത്തിന് അഖിൽ മാരാർ നൽകിയ മറുപടിയാണ് ശ്രദ്ധനേടുന്നത്. ‌

'ബിഗ് ബോസ് പോലെ ഇതുപോലെ പുച്ഛമുള്ള ഒരു പരിപാടി വേറെയില്ല. അഞ്ച് മിനുട്ട് ഈ പരിപാടി തികച്ച് കണ്ടിട്ടില്ല. അതിലേക്ക് പോകാൻ എനിക്ക് താല്‍പര്യമില്ല. ഒരു പക്ഷെ വിളിച്ചാല്‍ പോകണമെന്നാണ് ജോജു ചേട്ടന്‍ ഉള്‍പ്പടെയുള്ളവർ പറയുന്നത്. ഇതൊന്നും ഒന്നുമല്ലെന്ന് കാണിച്ച് കൊടുക്കണമെന്നുമുണ്ട്. അതിലും ഭേദം ലുലുമാളില്‍ പോയി മുണ്ട് പൊക്കി കാണിച്ച് നാല് പേരെ കൂട്ടുന്നതല്ലേ. ഭ്രാന്താണെന്ന് പറയുമെങ്കില്‍ കാണാന്‍ ആളുണ്ടാവും'- എന്നായിരുന്നു മാരാരുടെ പ്രതികരണം.

ഇതോടെ എന്തായാലും മാരാർ എയറിലായെന്നാണ് വ്ളോഗർ സായി കൃഷ്ണ അഭിപ്രായപ്പെടുന്നത്. ബിഗ് ബോസില്‍ സോഷ്യല്‍ മീഡിയയുടെ പവർ കഴിഞ്ഞ സീസണില്‍ വ്യക്തമായതാണ്. ഇപ്രാവശ്യമാവട്ടെ അത്യാവശ്യം സോഷ്യല്‍ റെലവന്റ് ആയിട്ടുള്ള വിഷയങ്ങളില്‍ ഇടപെടുന്ന ആളുകള്‍ അതിന് അകത്തുണ്ട്. അതുകൊണ്ട് അവർ പുറത്ത് ഈ ഷോയിനെ കുറിച്ച് അടക്കം പറഞ്ഞ കാര്യങ്ങള്‍ എയറില്‍ കിടക്കുന്നുണ്ട്. അതൊക്കെ ഷോയ്ക്ക് അകത്തുള്ള സമയത്ത് സ്വാഭാവികമായും ഇതൊക്കെപൊങ്ങി വരുമെന്നും സായി കൃഷ്ണ പറയുന്നു. ആരുടെ കാര്യത്തിലാണെങ്കിലും അത് അങ്ങനെ തന്നെയെ സംഭവിക്കുകയുള്ളു. എന്തായാലും അഖില്‍ മാരാർ എയറിലാണ്. മുപ്പർ ഇതൊന്നും മനസ്സിലാക്കാതെ അതിന് അകത്ത് മത്സരിച്ചുകൊണ്ടിരിക്കുകയാണ്. മുമ്പ് ഒരു അഭിമുഖത്തില്‍ പറഞ്ഞ കാര്യങ്ങളൊക്കെ കുത്തിപ്പൊങ്ങുമെന്ന് വിചാരിച്ചിരുന്നെങ്കിലും  ആദ്യ ദിവസം തന്നെ പൊങ്ങിവരുമെന്ന് പ്രതീക്ഷിച്ച് കാണില്ലെന്നും സായി പറയുന്നു.

ഇപ്പോൾ നേരത്തെ തന്നെ റെക്കോർഡ് ചെയ്യപ്പെട്ട അഖിൽ മാരാരുടെ വീഡിയോ താരത്തിന്റെ സോഷ്യൽ മീഡിയ പേജിൽ പ്രത്യക്ഷപ്പെട്ടിരിക്കുകയാണ്.ബിഗ്ബോസ് 5 സംപ്രേഷണം ആരംഭിച്ചതിന് ശേഷമാണ് വീഡിയോ പ്രത്യക്ഷപ്പെട്ടത്.

ജോജു ജോർജും ഉണ്ണി മുകുന്ദനുമൊക്കെ നിർബന്ധിച്ചത് കൊണ്ടാണ് ഇതിലേക്ക് വന്നത്. ഈ പരിപാടിക്ക് പറ്റിയ ഒരു മെറ്റീരിയലാണെന്ന് അവർ പറഞ്ഞു. എന്നെ വ്യക്തിപരമായി അറിയാവുന്ന ആളുകള്‍ക്ക് എന്റെ യഥാർത്ഥ സ്വഭാവം അറിയാം. പക്വതയില്ലായ്മ, കുട്ടിത്തം ഒക്കെയുള്ള ഒരു വ്യക്തിയാണ് ഞാനെന്നും അഖില്‍ മാരാർ പറയുന്നു. പക്വതയില്ല, കുട്ടിത്തമാണ് എന്നൊക്കെ അഖില്‍ മാരാർ പറഞ്ഞ സ്ഥിതിക്ക് ഇനിയിപ്പോള്‍ എന്തൊക്കെ കുട്ടിത്തം കാട്ടിയാലും പ്രശ്നമില്ല. ഇനി പല കുട്ടികളിയും പ്രതീക്ഷിക്കാം. എന്നാല്‍ ഇതൊന്നും അല്ലല്ലോ കുറച്ച് മാസങ്ങള്‍ക്ക് മുമ്പ് പറഞ്ഞത്. മുണ്ട് പൊക്കി കാണിക്കാന്‍ ലുലുമാള്‍ തന്നെ വേണമെന്നില്ല. ബിഗ് ബോസില്‍ നിന്നും ചെയ്യാം. ഇത്രയൊക്കെ പറഞ്ഞിട്ടും വീണ്ടും അവിടെ തന്നെ എത്തിയല്ലോയെന്നും സായി കൃഷ്ണ ചോദിക്കുന്നു.