ഒറ്റപ്പാലം ഫിലിം അക്കാദമി ക്രിയേഷൻസിൻ്റെ ബാനറിൽ എൻആർഐ ഫിലിം വർക്കേഴ്സ് അസോസിയേറ്റ്സ് അവതരിപ്പിക്കുന്ന പ്രഥമ സംരംഭമായ ജവാൻ വില്ലാസ് സ്നേഹമുള്ള ഭാര്യയുടെ ദുഷ്ടനായ ഭർത്താവ് എന്ന സിനിമയുടെ ടൈറ്റിൽ ലോഞ്ചിംഗ് നടന്നു. ഒറ്റപ്പാലത്ത് വെച്ചായിരുന്നു ചടങ്ങ്.

ചലച്ചിത പ്രവർത്തകർ, സാമൂഹ്യാ, സാഹിത്യ പ്രവർത്തകർ, അണിയറ പ്രവർത്തകർ, ബന്ധുമിത്രാദികൾ, എന്നിവരുടെ നിറ സാന്നിദ്ധ്യത്തിൽ ഗാനകല്ലോലിനി ശ്രീമതി. സുകുമാരി നരേന്ദ്രമേനോൻ, ശ്രീമതി. ഫാത്തിമ്മ ഹസ്സൻ എന്നിവർ ചേർന്ന് നിർവ്വഹിച്ചു. പ്രശസ്ത ഛായാഗ്രഹകനും സംവിധായകനുമായ അഴകപ്പൻ എൻ. ചടങ്ങിൻ്റെ ഉദ്ഘാടനം നിർവഹിച്ചു.

പരിപാടിയിൽ പ്രശസ്ത സംഗീത സംവിധായകൻ സ്റ്റീഫൻ ദേവസ്സിയുടെ പിതാവ് ദേവസ്സി പി കെ അധ്യക്ഷനായി. കെ രാമദാസ് മാസ്റ്റർ,
രാജേഷ് അടയ്ക്കാ പുത്തൂർ, ജിബിയ, സക്കായി ശശി കുള്ളപ്പുള്ളി, സ്വീറ്റ് ചില്ലീസ് രാജേഷ്, മുജീബ് ഒറ്റപ്പാലം എന്നിവർ പരിപാടിക്ക് നേതൃത്വം നൽകി.

2025 ജനുവരി അവസാനം ചിത്രീകരണം ആരംഭിക്കുന്ന ഈ ചിത്രത്തിൻ്റെ പ്രധാന ലൊക്കേഷനുകൾ ഒറ്റപ്പാലവും, തിരുവനന്തപുരവുമാണ്. സിനിമയെന്ന മായാപ്രപഞ്ചത്തിൽ അതിൻ്റെ പ്രധാന ഭാഗങ്ങളിലെല്ലാം ശോഭിക്കണമെന്നാ​ഗ്രഹിച്ച് സിനിമാ മോഹം മനസിലേറ്റ നടക്കുന്ന സാധാരണക്കാരനായ ഒരു യുവാവിൻ്റെ കഥയാണ് ഈ ചിത്രത്തിലൂടെ പറയുന്നത്.

അരുൺ എസ് ഭാസ്കർ ആണ് ചിത്രത്തിന്റെ സംവിധാനം. ഐശ്വര്യ ജാനകിയാണ് നായിക. മോഹൻ സിത്താര, ജയേഷ് സ്റ്റീഫൻ , എൻ. ശ്രീനാഥ് എന്നിവർ സംഗീതം പകർന്ന മൂന്ന് ഗാനങ്ങളുടെ രചന നിർവ്വഹിച്ചിരിക്കുന്നത് പരേതനായ യൂസഫലി കേച്ചേരിയും ജാഫർജിയും പുന്നടിയിൽ രവികുമാറുമാണ്.