സോണി ജോസഫ് സംവിധാനം നിർവഹിച്ച് ശ്രീനിവാസൻ നായരുടെ കഥയിൽ ശ്രീനിവാസൻ നായർ മനു തൊടുപുഴ (പുരുഷപ്രേതം ഫെയിം) എന്നിവർ തിരക്കഥ എഴുതിയ അവിരാച്ചന്റെ സ്വന്തം ഇണങ്ങത്തി എന്ന സിനിമ റിലീസിന് തയ്യാറെടുക്കുന്നു. ശ്രീനിവാസൻ നായർ, മായാ വിശ്വനാഥ്, ശാരിക സ്റ്റാലിൻ എന്നിവർ മുഖ്യ കഥാപാത്രങ്ങളെ അവതരിപ്പിക്കുന്ന ചിത്രത്തിലെ ഓഡിയോ ലോഞ്ച് നാളെ നടക്കും.

ഈ സിനിമയിലെ ശ്രീനിവാസൻ നായർ രചിച്ച മൂന്നു ഗാനങ്ങളുടെയും പ്രകാശനം 15 ഡിസംബർ 2024 ന് തിരുവനന്തപുരം താജ് വിവാന്റ യിൽ വെച്ചാണ് ചടങ്ങ്. രാവിലെ 10 മണി മുതൽ 12 മണി വരെയാണ് ചടങ്ങുകൾ.

പ്രസ്തുത ചടങ്ങിൽ മുൻ ചീഫ് സെക്രട്ടറിയും കവിയും ഗാനരചയിതാവുമായ ശ്രീ കെ ജയകുമാർ ഐ. എ. എസ് മുഖ്യാതിഥിയും മുൻ പോലീസ് മേധാവി ശ്രി ഋഷിരാജ് സിംഗ് ഐ.പി.എസ്, സംവിധായകരായ ശ്രീ പി.സുകുമാർ, ശ്രീ വി.സി അഭിലാഷ്, ശ്രീ വിഷ്ണു വിനയ്, ശ്രീ വിക്കി തമ്പി, എന്നിവരെ കൂടാതെ സിനിമ, കലാ സാംസ്‌കാരിക മേഖലയിലെ മറ്റു പ്രമുഖ വ്യക്തികളും പങ്കെടുക്കുന്നതാണ്.