സി.ബി.ഐ പരമ്പരയുടെ അഞ്ചാം ഭാഗത്തിന്റെ ഒരുക്കത്തിലാണ് സൂപ്പര്‍ഹിറ്റ് തിരക്കഥാകൃത്ത് എസ്.എന്‍.സ്വാമി. മുന്‍പ് ഇറങ്ങിയ നാല് ഭാഗങ്ങളെക്കാളും വ്യത്യസ്തതയോടെ ആയിരിക്കും അഞ്ചാം ഭാഗമായ 'സി.ബി.ഐ 5' ഇറക്കുക എന്നും അദ്ദേഹം പറഞ്ഞു. മുന്‍പത്തെ നാലു സിനിമകളെക്കാളും വന്‍വിജയമാകുമോ എന്നതില്‍ താന്‍ അമിത ആത്മവിശ്വാസം പ്രകടിപ്പിക്കുന്നില്ലെന്നും അദ്ദേഹം കൂട്ടിച്ചേര്‍ത്തു. ഈ പ്രാവശ്യം മമ്മൂട്ടിയോടൊപ്പം സഹായിയായി 'ചാക്കോ' എന്ന കഥാപാത്രത്തെ അവതരിപ്പിക്കുന്ന മുകേഷ് ഉണ്ടാവില്ല. ഒരു പുതിയ താരനിരയായിരിക്കും സി.ബി.ഐ ടീമില്‍ എന്നാണ് അണിയറയില്‍ നിന്ന് ലഭിക്കുന്ന വിവരങ്ങള്‍. പ്രമുഖ തിരക്കഥാകൃത്തും നടനുമായ രണ്‍ജി പണിക്കര്‍ ഒരു മുഖ്യവേഷത്തില്‍ എത്തും എന്ന സൂചനയും ഉണ്ട്. കെ.മധു തന്നെയാണ് സംവിധായകന്‍. സിനിമകളില്‍ നിന്നും വിട്ടു നില്ക്കുന്ന മധുവിന്റെ തിരിച്ചുവരവും കൂടിയാണ് ഈ ചിത്രം. സി.ബി.ഐ യിലെ പ്രധാന പശ്ചാത്തല സംഗീതം നിര്‍വഹിച്ചിരുന്ന ശ്യാം തന്നെയാണ് ഇതിലും സംഗീതം നല്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha