സോളാര്‍ കേസിന്റെ പേരില്‍ ആ 49 ദിവസം, ജയിലില്‍, പിന്നെ കോടതികളുടെ വാരന്തകളില്‍ വിലങ്ങുമായി നിന്ന സംഭവങ്ങള്‍, വീണ്ടും ഓര്‍ക്കാന്‍ ആഗ്രഹമില്ലാത്തവ. ബിജുരാധാകൃഷ്ണന്റെ കാമുകിയെന്നും ബിനാമിയെന്നുമൊക്കെയുള്ള വാര്‍ത്തകള്‍ ഇടതടവില്ലാതെ പത്രങ്ങളില്‍ പ്രത്യക്ഷപെട്ടിരുന്ന കാലം. അപ്പോഴും ഒരാള്‍ എനിക്കുവേണ്ടി കാത്തിരിപ്പുണ്ടായിരുന്നു എന്റെ സജിചേട്ടന്‍.
എന്നെയും സജിചേട്ടനെയും തമ്മില്‍ തെറ്റിക്കാന്‍ സീരിയല്‍ രംഗത്തു നിന്നുള്ളവര്‍ തന്നെ ശ്രമിച്ചരുന്നു.എന്നാല്‍ സജിചേട്ടന് എന്നെ വിശ്വാസമായിരുന്നു. 
കൃഷ്ണകൃപാസാഗരം' എന്ന സീരിയലിലാണ് ഒന്നിച്ച് അഭിനയിച്ചത്. ജോഡിയായെത്തുന്നത് ആലിലത്തോണിയിലാണ്. ലൊക്കേഷനില്‍ ഭയങ്കര നിശബ്ദനായിരുന്നു സജിച്ചേട്ടന്‍. അന്ന് എനിക്ക് പ്രത്യേകിച്ചൊന്നും ചേട്ടനോട് തോന്നിയിരുന്നില്ല. എന്നാല്‍ ചേട്ടന് എന്നോട് വലിയ താല്പര്യമുണ്ടായിരുന്നു. എന്നാല്‍ അതു ഞാന്‍ അറിയാന്‍ വൈകിപ്പോയെന്ന് ശാലു പറഞ്ഞു.
ആലിലത്തോണിയുടെ സെറ്റില്‍വച്ച് തങ്ങളെക്കുറിച്ച് വിവിധ ഗോസിപ്പുകള്‍ വരെ ഇറങ്ങിയിരുന്നതായി സജി പറയുന്നു. ഞാന്‍ കൊള്ളില്ലാത്തവനാണ്, പെണ്ണുങ്ങള്‍ക്ക് കൂടെ അഭിനയിക്കാന്‍ പറ്റാത്തവനാണ്, എന്നിങ്ങനെ വാര്‍ത്തകള്‍ പരന്നു. എന്നെയും ശാലുവിനെയും തമ്മില്‍ അകറ്റുകയായിരുന്നു ലക്ഷ്യം. അതോടെ ആ സീരിയല്‍ ഇടയ്ക്കുവച്ച് അവസാനിപ്പിച്ചുവെന്നും സജി പറഞ്ഞു.
പ്രണയം ആരംഭിച്ച ഘട്ടത്തിലാണു താന്‍ ജയിലിലായതെന്നും ശാലു വ്യക്തമാക്കി. ഞാന്‍ പലരെയും പൂര്‍ണമായി വിശ്വസിച്ചു. അതിന്റെ പേരില്‍ ഞാന്‍ അറിയാത്ത കാര്യങ്ങളിലേക്ക് എന്നെ വലിച്ചിഴയ്ക്കുകയായിരുന്നു. 49 ദിവസത്തെ ജയില്‍ ജീവിതം എന്നെ വേറൊരാളാക്കി. അമ്മയ്‌ക്കൊപ്പം മാത്രം കിടന്നുറങ്ങിയിരുന്ന ഞാന്‍ പെട്ടെന്ന് ഒരുദിവസം പേടിയോടെയും പരിഭ്രമത്തോടെയും ജയിലിന്റെ ഇരുട്ടില്‍. ഇപ്പോഴും ആ നിമിഷങ്ങളെക്കുറിച്ച് ചിന്തിക്കാന്‍ പറ്റില്ല. പക്ഷേ, പ്രതീക്ഷിച്ചത്ര കുഴപ്പങ്ങള്‍ ജയിലില്‍ ഉണ്ടായില്ല. അവിടെയുള്ളവര്‍ മാന്യമായിട്ടാണ് പെരുമാറിയതെന്നും ശാലു പറയുന്നു. ബിജു രാധാകൃഷ്ണനുമൊപ്പം വാര്‍ത്തകളില്‍ നിറഞ്ഞുനിന്നിരുന്ന ശാലു കഴിഞ്ഞ മാസമാണു വിവാഹം കഴിച്ചത്.
ജയില്‍ വാസവും ഇതിനിടെ ശാലുവിന് അനുഭവിക്കേണ്ടി വന്നു. വിവാദങ്ങള്‍ ഒട്ടൊന്നു ശമിച്ചപ്പോഴാണു വിവാഹജീവിതത്തിലേക്കു ശാലു കടന്നത്.