തനുശ്രീയുടെ ലൈംഗികാരോപണം പബ്ലിസിറ്റിക്കുവേണ്ടിയെന്ന് രാഖി സാവന്ത്
നടി തനുശ്രീ ദത്തയുടെ ലൈംഗികാരോപണം പബ്ലിസിറ്റിക്ക് വേണ്ടി മാത്രമാണെന്ന് രാഖി സാവന്ത്. ഇതുവഴി ബിഗ് ബോസ് റിയാലിറ്റി ഷോയില് കയറിക്കൂടാനാണ് തനുശ്രീ ശ്രമിക്കുന്നതെന്നും നടി ആരോപിച്ചു. മാധ്യമപ്രവര്ത്തകരുടെ ചോദ്യങ്ങള്ക്കുള്ള മറുപടിയായാണ് രാഖി സാവന്ത് ഇത്തരത്തില് പൊട്ടിത്തെറിച്ചുകൊണ്ട് പ്രതികരിച്ചത്.
നാനാ പടേക്കറിനെതിരെ പത്തുവര്ഷങ്ങള്ക്കു ശേഷം നടി തനുശ്രീ ദത്ത ഉന്നയിച്ച ലൈംഗിക പീഡനാരോപണം ബോളിവുഡില് കത്തി പടരുകയാണ്. ഇതിനകം നിരവധി പ്രമുഖര് തനുശ്രീക്ക് പിന്തുണയുമായി രംഗത്തെത്തിക്കഴിഞ്ഞു.
എന്നാല് തനിക്കെതിരെയുള്ള ആരോപണം അടിസ്ഥാനരഹിതമാണെന്നും അപമാനിച്ചതില് തനുശ്രീ മാപ്പു പറയാത്ത പക്ഷം അവര്ക്ക് ലീഗല് നോട്ടീസ് അയക്കുമെന്ന നിലപാടാണ് നാന പടേക്കര് സ്വീകരിച്ചിരിക്കുന്നത്. ഇപ്പോഴിതാ ലീഗല് നോട്ടീസ് ഭീഷണിക്കെതിരെ നടി തനുശ്രീ പ്രതികരിച്ചിരിക്കുന്നു. നിങ്ങള് നോട്ടീസ് അയച്ചോളൂ. എന്നാല് അതിനുശേഷം എനിക്കെന്താണ് ചെയ്യാന് കഴിയുകയെന്നും കാണേണ്ടി വരും എന്നായിരുന്നു തനുശ്രീയുടെ മറുപടി.
2009 ല് പുറത്തിറങ്ങിയ 'ഹോണ് ഒ.കെ' എന്ന ചിത്രത്തിന്റെ സെറ്റില് വച്ചാണ് തന്നോട് മോശമായി പെരുമാറിയത്. തന്നെ ബോളിവുഡിലെ പ്രശസ്തനായ താരം പീഡിപ്പിച്ചുവെന്ന് പലവട്ടം പറഞ്ഞിട്ടുണ്ടെങ്കിലും ആദ്യമായാണ് തനുശ്രീ ദത്ത നടന്റെ പേര് തുറന്നു പറയുന്നത്.
നാന പടേക്കര് സ്ത്രീകളോട് ഏറ്റവും മോശമായി പെരുമാറുന്നയാളാണെന്ന് ഇന്ഡസ്ട്രിയില് എല്ലാവര്ക്കും അറിയാമെന്നും എന്നാല് ഇക്കാര്യം ആരുംഗൗരവത്തിലെടുക്കാറില്ലെന്നും തനുശ്രീ ആരോപിക്കുന്നു.
https://www.facebook.com/Malayalivartha