നടിയും മോഡലുമായ രഹന ഫാത്തിമയുടെ ചിത്രം ചര്‍ച്ചയാവുകയാണ്. കറുത്ത മുണ്ടും ഷര്‍ട്ടുമണിഞ്ഞ്, മാലയിട്ട്, കുറിതൊട്ട് തത്വമസി എന്ന അടിക്കുറിപ്പോടെ ഫേസ്ബുക്കില്‍ പോസ്റ്റ് ചെയ് ചിത്രമാണ് ഇപ്പോള്‍ വിമര്‍ശനങ്ങള്‍ക്ക് വഴിയൊരുക്കിയിരിക്കുന്നത്. ചിത്രത്തിനെതിരെ വലിയ പ്രതിഷേധം തന്നെയാണ് സോഷ്യല്‍ മീഡിയകളില്‍ ഉയരുന്നത്.

ചിത്രത്തിന് കീഴെയുള്ള കമന്റുകളില്‍ അധികവും തെറി അഭിഷേകമാണ്. ശബരിമലയില്‍ സ്ത്രീ പ്രവേശനം പാടില്ലെന്ന് വാദിക്കുന്ന വിഭാഗം ചിത്രത്തെ രൂക്ഷമായി വിമര്‍ശിക്കുന്നുണ്ട്. പല കമന്റുകള്‍ക്കും രഹ്ന ഫാത്തിമ മറുപടിയും നല്‍കുന്നുണ്ട്. രഹാനയെ അനുകൂലിച്ചും ഒരു വിഭാഗം രംഗത്തെത്തിയിട്ടുണ്ട്.

ശബരിമലയില്‍ പ്രായഭേദമന്യേ സ്ത്രീകള്‍ക്കും പ്രവേശിക്കാം എന്ന സുപ്രീം കോടതി വിധിയെ തുടര്‍ന്ന് അനുകൂലിച്ചും പ്രതികൂലിച്ചും നിരവധി പേരാണ് രംഗത്തെത്തുന്നത്. സോഷ്യല്‍ മീഡിയകളിലൂടെയുള്ള ഇത്തരം ചര്‍ച്ചകളും നടന്നുകൊണ്ടിരിക്കുകയാണ്.