പ്രേക്ഷകര്ക്കായി കരുതിവെച്ചിരുന്ന സസ്പെന്സ് പൊളിച്ച് സോഷ്യൽ മീഡിയ... ചാനല് ക്രൂവില് നിന്നും ചിത്രങ്ങള് ലീക്കായതോടെ കണ്ണ് തള്ളി ഏഷ്യാനെറ്റ്
ബിഗ് ബോസ് മലയാളം സീസണ് ഒന്നിലെ കിരീട ജേതാവ് സാബുമോൻ തന്നെയായിരുന്നു. മത്സരാർത്ഥികളും പ്രേക്ഷകരും ഒരുപോലെ ആഗ്രഹിച്ചിരുന്നു വിജയം സാബുമോന് തന്നെയാകണമെന്ന്. അതേസമയം മലയാളത്തിലെ ഏറ്റവും വലിയ റിയാലിറ്റി ഷോയായ ബിഗ് ബോസ് അവസാന ഘട്ടത്തിലെത്തി നില്ക്കുന്ന സമയത്തായിരുന്നു ഏഷ്യാനെറ്റിനെ പോലും ഞെട്ടിച്ച് ആ വാർത്ത പരന്നത്. വിജയിയെ പ്രഖ്യാപിക്കാന് നിമിഷങ്ങള് മാത്രം ശേഷിക്കെ ചാനല് വെട്ടിലാക്കുകയായിരുന്നു.
ബിഗ് ബോസ് ഫിനാലെ ചാനലില് പുരോഗമിക്കുന്നതിനിടെയായിരുന്നു സാബുമോന് ബിഗ് ബോസ് സീസണ് ഒന്നിലെ വിന്നര് വിജയിയുടെ പേരടങ്ങിയ ചിത്രം ഫേസ്ബുക്കില് പ്രചരിച്ചത്. ബിഗ്ബോസിന്റെ ഗ്രാന്ഡ് ഫിനാലെ ഞായറാഴ്ച രാത്രി ഏഴോടെയാണ് ചാനല് സംപ്രേഷണം ആരംഭിച്ചത്. മണിക്കൂറുകള്ക്കകം തന്നെ പ്രേക്ഷകര്ക്കായി കരുതിവെച്ചിരുന്ന സസ്പെന്സ് പൊളിച്ച് സാബു വിജയിയായ ചിത്രങ്ങള് ലീക്കാകുകായിരുന്നു.
ചാനല് ക്രൂവില് നിന്നാണ് ചിത്രങ്ങള് ലീക്കായതെന്നാണ് സൂചന. 10 മണിയോടെ ഷിയാസും പുറത്തായതോടെ അവശേഷിച്ചത് പേളിയും സാബുവുമായിരുന്നു.. 9 മണിയോടെ ശ്രീനിഷ് പുറത്താകുന്ന രംഗങ്ങളാണ് ചാനല് സംപ്രേഷണം ചെയ്തത്. എന്നാല് ആ നിമിഷം തന്നെ വിജയിയുടെ ചിത്രവും ഫേസ്ബുക്ക് അടക്കമുള്ള സോഷ്യല് മീഡിയയില് പ്രചരിക്കുകയായിരുന്നു. .86 കോടി വോട്ടുകളാണ് സാബുവിന് കിട്ടിയത്. രണ്ടാമതെത്തിയ പേളിക്ക് ലഭിച്ചത് 1.58 കോടി വോട്ടുകളും. നാല് മണിക്കൂറിലേറെ നീണ്ട വര്ണാഭമായ ഗ്രാന്റ് ഫിനാലെയുടെ അവസാനമായിരുന്നു പ്രഖ്യാപനം.
https://www.facebook.com/Malayalivartha