ശരിക്കുമുള്ള ജീവിതത്തില്‍ ഞാന്‍ ഇത്ര വീക്കല്ല... ആളുകള്‍ എന്നെ വെറുക്കുമോ എന്ന് എനിക്ക് പേടിയുണ്ടായിരുന്നു; ബിഗ്‌ബോസ് വീട്ടിലെ അനുഭവം തുറന്ന് പറഞ്ഞ് പേളി മാണി
ബിഗ് ബോസ് മലയാളം സീസണ്‍ ഒന്നിലെ കിരീട ജേതാവ് സാബുമോൻ ആയിരുന്നെങ്കിലും അവസാന നിമിഷം വരെ സാബുവിനൊപ്പം പൊരുതി നിന്ന മത്സരാർത്ഥിയായിരുന്നു പേളി മാണി. മലയാളത്തിലെ ഏറ്റവും വലിയ റിയാലിറ്റി ഷോയായ ബിഗ് ബോസ് റണ്ണറപ്പായി മാറിയ പേളി ബിഗ്‌ബോസ് വീട്ടിൽ നിന്നും പുറത്തായ ശേഷം മനസ് തുറക്കുകയാണ്.
പേളിയുടെ വാക്കുകളിലൂടെ....
തനിക്ക് ബിഗ്‌ബോസ് വേറിട്ടൊരു ജീവിതമായിരുന്നു. പുറത്തിറങ്ങിയപ്പോള്‍ ഒരു പ്രത്യേക തരം ഫീലിംഗാണ്. വളരെ സമാധാനം തോന്നുന്നു ക്യാമറയും മൈക്കൊന്നുമില്ല. ബിഗ് ബോസിനകത്ത് നമ്മുക്ക് എങ്ങോട്ടും വിളിക്കാനോ ആരേയും കാണാനോ സാധിക്കില്ല. ശരിക്കും പെട്ടു പോയ അവസ്ഥയായിരുന്നു. നമ്മള്‍ എപ്പോഴും സ്‌ട്രോംഗ് ആയിരിക്കണം പോസിറ്റീവ് ആയിരിക്കണം എന്നൊക്കെ ആളുകളെ മോട്ടീവേറ്റ് ചെയ്ത ആളായിരുന്നു ഞാന്‍ അങ്ങനെയുള്ള ഞാന്‍ ബിഗ് ബോസില്‍ ചെന്നു തുടക്കം മുതല്‍ കരിച്ചിലായിരുന്നു.
എന്നെ ഇഷ്ടപ്പെടുന്നവര്‍ ഇതൊക്കെ കണ്ട് വിഷമിക്കുമോ എന്നായിരുന്നു എന്റെ പ്രധാന ടെന്‍ഷന്‍. ജീവിതത്തില്‍ തിരിച്ചടികള്‍ സ്വഭാവികമാണ് ബിഗ് ബോസില്‍ പലപ്പോഴും നമ്മള്‍ ഡൗണ്‍ ആവും അപ്പോള്‍ നമ്മള്‍ തന്നെ നമ്മളെ സ്വയം മോട്ടിവേറ്റ് ചെയ്തു കൊണ്ടു വരണം എന്ന അവസ്ഥയായിരുന്നു. ഇപ്പോള്‍ കരഞ്ഞോണ്ടിരുന്ന നീ എങ്ങനെ പെട്ടെന്ന് ഇത്ര സ്‌ട്രോംഗായെന്ന് അകത്തുള്ളവര്‍ ചോദിക്കുമായിരുന്നു. ശരിക്കുമുള്ള ജീവിതത്തില്‍ ഞാന്‍ ഇത്ര വീക്കല്ല. നമ്മുക്ക് കംഫര്‍ട്ടബിള്‍ അല്ലാത്ത സാഹചര്യം വന്നാല്‍ അതില്‍ നിന്നും മാറി നില്‍ക്കാറാണ് എന്റെ പതിവ് പക്ഷേ ബിഗ് ബോസ് വീട്ടില്‍ അത് നടപ്പുള്ള കാര്യമില്ല.
ആളുകള്‍ എന്നെ വെറുക്കുമോ എന്ന് എനിക്ക് പേടിയുണ്ടായിരുന്നു പക്ഷേ ഇത്രയും പേര്‍ എന്നെ സപ്പോര്‍ട്ട് ചെയ്തു എന്നറിയുമ്ബോള്‍ സന്തോഷമുണ്ട്. അമ്മയോട് വളരെ അറ്റാച്ച്‌ഡായ ആളാണ് ഞാന്‍ പക്ഷേ ബിഗ് ബോസ് വീട്ടില്‍ വന്നപ്പോള്‍ അമ്മയുടെ വില ശരിക്കും മനസ്സിലായി കാരണം വീട്ടില്‍ നമ്മുക്ക് എല്ലാം ചെയ്തു തരുന്നത് അമ്മയാണ് ബിഗ് ബോസ് വീട്ടില്‍ അതില്ലായിരുന്നു.
എല്ലാം നമ്മള്‍ തന്നെ ചെയ്യണം നമ്മളെ സഹായിക്കാനോ ശ്രദ്ധിക്കാനോ ആരുമുണ്ടായിരുന്നില്ല. ഒരുപാട് കാര്യങ്ങള്‍ പഠിച്ചും ഒരുപാട് അനുഭവിച്ചുമാണ് ബിഗ് ബോസില്‍ നിന്നും പുറത്തിറങ്ങിയത്. പിന്തുണച്ച എല്ലാവര്‍ക്കും ഒരുപാട് ഒരുപാട് നന്ദി. 1.86 കോടി വോട്ടുകളാണ് സാബുവിന് കിട്ടിയത്. രണ്ടാമതെത്തിയ പേളിക്ക് ലഭിച്ചത് 1.58 കോടി വോട്ടുകളും. നാല് മണിക്കൂറിലേറെ നീണ്ട വര്‍ണാഭമായ ഗ്രാന്റ് ഫിനാലെയുടെ അവസാനമായിരുന്നു പ്രഖ്യാപനം.
https://www.facebook.com/Malayalivartha
