ഒന്നാം സമ്മാനത്തിന് പിന്നാലെ സാബുവിന് കിടിലന് സര്പ്രൈസുമായി യുവസംവിധായകര്... ബിഗ്ബോസ് വഴിത്തിരിവായപ്പോൾ സുരേഷിനും കോളടിച്ചു; ഇമ്മിണി വല്യകളികളോടെ പ്രേക്ഷരുടെ മനസ്സിൽ ഇടംപിടിച്ച് ബിഗ്ബോസ് വൺ
ഇന്ത്യയില് ഏറ്റവുമധികം റേറ്റിംഗുള്ള പരിപാടിയായിരുന്നു ബിഗ് ബോസ്. മറ്റുള്ള ഭാഷകളില് ശ്രദ്ധേയമായിരിക്കുന്നതിനാല് മലയാളത്തിലും ഷോ വരുന്നതിന് വേണ്ടിയുള്ള കാത്തിരിപ്പിലായിരുന്നു. ഒടുവില് ജൂണ് 24 ന് ബിഗ് ബോസ് മലയാളം സീസണ് വണ് ആരംഭിച്ചു.
വിവാദങ്ങള്ക്കും കാത്തിരിപ്പുകള്ക്കും വിരാമമിട്ട് സാബുമോനാണ് ഫ്ലാറ്റ് സ്വന്തമാക്കിയത്. വില്ലനായി ജനമസുകളില് കുടിയേറിയ സാബു 14 ആഴ്ചകള്ക്കൊണ്ട് മലയാളികള്ക്ക് പ്രിയപ്പെട്ടവനായി. സാബു മോന് ഫഌറ്റിന് പുറമേ രണ്ട് കിടിലന് സര്പ്രെസും ബിഗ് ബോസ് ഒരുക്കിയിരുന്നു. സംവിധായകന് ലിജോ ജോസ് പെല്ലിശ്ശേരിയുടെ പുതിയ സിനിമയായ ജെല്ലികെട്ടിലും വിജയ് ബാബു നിര്മ്മിക്കുന്ന പുതിയ ചിത്രത്തിലും രണ്ട് കിടിലന് വേഷങ്ങളാണ് സാബുവിനായി കാത്തിരിക്കുന്നത്.
മലയാളികളുടെ പ്രിയപ്പെട്ട ഷോ ആയ ബിഗ് ബോസിന്റെ ഗ്രാന്റ് ഫിനാലെയില് നേരിട്ട് എത്തിയായിരുന്നു ഇരുവരുടെയും പ്രഖ്യാപനം. ഒരു കോടിയിലധികം വോട്ടുകള് നേടിയാണ് സാബു മോന് ബിഗ് ബോസിലെ വിജയിയായത്. കോണ്ഫിഡന്റ് ഗ്രൂപ്പ് നല്കുന്ന ഒരു കോടി രൂപയുടെ ഫ്ളാറ്റാണ് ഒന്നാം സമ്മാനം. പേളി മാണിയാണ് റണ്ണര് അപ്പ്. ബിഗ് ബോസിലെ മത്സരാര്ത്ഥികളില് ശ്വേതാ മേനോനും ശ്രീലക്ഷ്മിയും ഒഴികെ മുഴുവന് ആളുകളും ഫിനാലെയില് മത്സരാര്ത്ഥികള്ക്ക് ആശംസകളുമായി എത്തി. സാബുവിന് പുറമെ മലയാളികളുടെ പ്രിയപ്പെട്ട മറ്റൊരു മത്സരാരത്ഥിയായഅരിസ്റ്റോ സുരേഷിനും സിനിമയില് അവസരം ലഭിച്ചു.
വെറുക്കപ്പെട്ടവനായി ബിഗ് ബോസിലെത്തി പ്രേക്ഷകരെ കൈയിലെടുത്ത മത്സരാര്ത്ഥിയായിരുന്നു സാബു മോന്. ഒരുപാട് കേസുകളില് കുടുങ്ങിയിരുന്ന സാബു മോന് തന്റെ ചീത്തപ്പേരുകളെല്ലാം ബിഗ് ബോസില് നിന്നും മാറ്റിയിരുന്നു. ഇയാള് ബിഗ് ബോസില് മത്സരിക്കാന് യോഗ്യനാണോ എന്ന് ചോദിച്ചിരുന്നവര്ക്കെല്ലാമുള്ള സാബുവിന്റെ മറുപടിയാണ് ഈ വിജയം. 1.86 കോടി വോട്ടുകളായിരുന്നു സാബുവിനെ തേടി എത്തിയിരുന്നത്.
https://www.facebook.com/Malayalivartha