അമോല്‍ ഗുപ്ത സംവിധാനം ചെയ്യുന്ന ബാഡ്മിന്റണ്‍ താരം സൈന നെഹ്‌വാളിന്റെ ജീവിതകഥ പറയുന്ന ബോളിവുഡ് ചിത്രത്തിന്റെ ഫസ്റ്റ്‌ലുക്ക് പോസ്റ്റര്‍ പുറത്തിറങ്ങി. സൈനയുടെ വേഷം അവതരിപ്പിക്കുന്ന ശ്രദ്ധ കപൂര്‍ കോര്‍ട്ടില്‍ റാക്കറ്റുമായി നില്‍ക്കുന്ന ചിത്രമാണ് പോസ്റ്ററിലുള്ളത്.

സൈനയുടെ പരിശീലകനായ പുല്ലേല ഗോപിചന്ദിന്റെ ശിക്ഷണത്തിലാണ് ശ്രദ്ധ ബാഡ്മിന്റണിലെ പ്രാഥമിക പാഠങ്ങള്‍ അഭ്യസിച്ചത്. കഴിഞ്ഞാഴ്ചയാണ് ഷൂട്ടിംഗ് തുടങ്ങിയത്. പ്രഭാസ് നായകനാകുന്ന തെലുങ്ക് ചിത്രം സാഹോയാണ് ശ്രദ്ധയുടെ മറ്റൊരു പ്രോജക്ട്.

ഹസീന ദ ക്വീന്‍ ഒഫ് മുംബയ് എന്ന ചിത്രത്തില്‍ ദാവൂദ് ഇബ്രാഹിമിന്റെ സഹോദരിയായ ഹസീന പാര്‍ക്കറുടെ വേഷമാണ് ശ്രദ്ധ അവതരിപ്പിക്കുന്നത്.