ഡബ്ല്യുസിസിയിൽ ചേരാൻ താല്പര്യമില്ല ! ; മാധ്യമപ്രവര്ത്തകരുടെ ചോദ്യങ്ങള്ക്കു മുന്നിൽ തുറന്നടിച്ചു ഐശ്വര്യലക്ഷ്മി
സിനിമ വനിതാ കൂട്ടായ്മയായ ഡബ്ല്യുസിസിയിൽ ചേരാൻ താല്പര്യമില്ലാത്തതിനാലാണ് അംഗമാകാത്തതെന്ന് യുവ നടി ഐശ്വര്യലക്ഷ്മി. വ്യക്തിപരമായി താല്പര്യമില്ലാത്തതിനാലാണ് താന് ആ സംഘടനയില് അംഗമാകാത്തതെന്ന് ഐശ്വര്യ പറഞ്ഞു. തിരുവനന്തപുരം പ്രസ്ക്ലബ്ബില് നടന്ന മുഖാമുഖത്തില് മാധ്യമപ്രവര്ത്തകരുടെ ചോദ്യങ്ങള്ക്കു മറുപടി നല്കുകയായിരുന്നു ഐശ്വര്യ.
തന്റെ സിനിമകള് വിജയിക്കാന് കാരണം സംവിധായകരാണെന്നും അവരുടെയൊപ്പം പ്രവര്ത്തിക്കാന് അവസരം കിട്ടിയത് കൊണ്ടാണ് തനിക്ക് നടിയെന്ന നിലയില് പ്രേക്ഷകരുടെ ഇഷ്ടം നേടാനായതെന്നും ഐശ്വര്യ പറയുന്നു. ‘വിജയ്സൂപ്പറും പൗർണമിയും’ ഉൾപ്പെടെയുള്ള ചിത്രങ്ങളുടെ വിജയത്തിലൂടെ സിനിമയിൽ പരീക്ഷണം നടത്താൻ ധൈര്യം ലഭിച്ചു.
വിജയ്സൂപ്പറും പൗർണമിയും വിജയിച്ചത് ധൈര്യം പകർന്നെന്ന് ചിത്രത്തിലെ നായകൻ ആസിഫലി പറഞ്ഞു. സിനിമകൾ ചെയ്യുന്നതിൽ എടുത്തുചാട്ടമുണ്ടായിരുന്നു. കുറച്ചുകൂടി സുരക്ഷിതമായ ചിത്രങ്ങളിൽ അഭിനയിച്ചശേഷം പരീക്ഷണചിത്രം ചെയ്യുമെന്നും ആസിഫലി പറഞ്ഞു.
https://www.facebook.com/Malayalivartha
