രംഗീലയുടെ പോസ്റ്റര്‍ ഷെയര്‍ ചെയ്ത് സണ്ണി ലിയോണ്‍
മലയാള സിനിമാലോകത്തേക്ക് കാലുകുത്തിയ ബോളിവുഡ് താരം സണ്ണി ലിയോണ്‍ തന്റെ സിനിമയുടെ പോസ്റ്റര്‍ ഫെയ്‌സ് ബുക്ക് ആരാധകര്‍ക്കായി ഷെയര്‍ ചെയ്തു. ബാക്ക് വാട്ടര്‍ സ്റ്റുഡിയോയുടെ ബാനറില്‍ ജയലാല്‍ മേനോന്‍ നിര്‍മ്മിക്കുന്ന രംഗീലയുടെ ചിത്രീകരണം ഫെബ്രുവരിയില്‍ ആരംഭിക്കുമെന്നും നടി അറിയിച്ചു.
ചിത്രത്തിന്റെ ഫസ്റ്റ് ലുക്ക് അണിയറ പ്രവര്‍ത്തകര്‍ നേരത്തെപുറത്തുവിട്ടിരുന്നു. മലയാളത്തില്‍ അഭിനയിക്കുന്നതില്‍ ഏറെ ആവേശമുണ്ടെന്ന് ഫസ്റ്റ് ലുക്ക് പോസ്റ്റര്‍ ഷെയര്‍ ചെയ്തുകൊണ്ട് സണ്ണി ലിയോണ്‍ കുറിച്ചു. ഫെയറി ടെയ്ല്‍ പ്രൊഡക്ഷനാണ് ചിത്രത്തിന്റെ സഹനിര്‍മ്മാണം. ജോസഫ് വര്‍ഗീസ് ആണ് പ്രൊഡക്ഷന്‍ ഡിസൈന്‍. വണ്‍ വേള്‍ഡ് എന്റര്‍ടെയ്‌ന്മെന്റ്‌സ് ചിത്രം തീയേറ്ററുകളിലെത്തിക്കും.ചിത്രത്തിലെ മറ്റ് താരങ്ങളെക്കുറിച്ചുള്ള വിവരങ്ങള്‍ പുറത്തുവിട്ടിട്ടില്ല.
പോണ്‍ ഇന്റസ്ട്രിയിലെ കരിയര്‍ അവസാനിപ്പിച്ച് 2012ലാണ് സണ്ണി ലിയോണ്‍ ബോളിവുഡി ലേക്ക് എത്തുന്നത്. ജിസം 2 ആയിരുന്നു ആദ്യ ഹിന്ദി ചിത്രം. ഷൂട്ടൗട്ട് അറ്റ് വഡാല, ജാക്‌പോട്ട്, രാഗിണി എംഎംഎസ് 2 തുടങ്ങി ഒട്ടേറെ ചിത്രങ്ങള്‍ അവരുടേതായി പിന്നാലെയെത്തി.
അതേസമയം വൈശാഖ് സംവിധാനം ചെയ്യുന്ന മമ്മൂട്ടിച്ചിത്രമായ മധുരരാജയിലെ ഗാന രംഗത്തിലും സണ്ണി ലിയോണ്‍ അഭിനയിക്കുന്നുണ്ട്. തിനായി സണ്ണി ലിയോണ്‍ കൊച്ചിയിലെത്തി. കൊച്ചി നഗരത്തില്‍ തമ്മനത്തുള്ള സ്വകാര്യ ഗോഡൗണിലാണ് ഷൂട്ടിങ് നടക്കുന്നത്.
https://www.facebook.com/Malayalivartha
