അഹങ്കാരം കാണിക്കരുത്... എന്ത് ധാരണയിലാണ് ഇങ്ങനെ ചെയ്യുന്നത്!! അന്ന് അമ്മ ദേഷ്യത്തോടെയാണ് എന്നോട് സംസാരിച്ചത്!! മനസ് തുറന്ന് ചിത്ര
മലയാളി പ്രേക്ഷകരുടേയും തെന്നിന്ത്യൻ സിനിമ പ്രേമികളുടേയും പ്രിയപ്പെട്ട ഗായികയാണ് കെഎസ് ചിത്ര. മലയാളത്തിലും തെന്നിന്ത്യൻ ഭാഷകളിലുമായി അനേകം മനോഹര ഗാനങ്ങൾ ചിത്ര ആലപിച്ചിട്ടുണ്ട്. മലയാളി ജനങ്ങളുടെ സ്വകാര്യ അഹങ്കാരം തന്നെയാണ് ചിത്ര. എപ്പോഴും ചിരിച്ച മുഖത്തോടെയാണ് ചിത്ര ഓരോ വേദികളിലും പ്രത്യക്ഷപ്പെടുന്നത്. ഇപ്പോഴിതാ അമ്മയുടെ ക്ഷോഭ പ്രകടനത്തെക്കുറിച്ച് തുറന്നു സംസാരിക്കുകയാണ് ചിത്ര. ഒരു മാഗസീനിന് നല്കിയ അഭിമുഖത്തിലായിരുന്നു ഭൂതകാല സ്മരണകളെക്കുറിച്ച് ചിത്ര മനസ്സ് തുറന്നത്. 'ശരിക്കും ഒരു ദിവസം 12 പാട്ട് വരെ പാടുമായിരുന്നു. ആ ദിവസങ്ങളില് രാവിലെ എണീറ്റ് റെക്കോര്ഡിംഗിന് പോകും.
ഭക്ഷണം വീട്ടില് നിന്ന് കൊടുത്തയക്കുകയാണ് ചെയ്യുക. സ്റ്റുഡിയോയിലേക്കുള്ള യാത്രയ്ക്കിടെ കാറിലൊക്കെ ഇരുന്നാണ് ഭക്ഷണം കഴിക്കുക. അതിനിടെ ഒരു ദിവസം 19 പാട്ട് വരെ പാടി . തമിഴില് നേരെത്തെ പാടിയ ഒരു ഭക്തിഗാന ആല്ബം മലയാളത്തിലേക്ക് പാടിയതാണ്. പാടിക്കഴിഞ്ഞു വീട്ടിലെത്തിയപ്പോള് അമ്മ ക്ഷോഭിച്ചാണ് സംസാരിച്ചത്. അഹങ്കാരം കാണിക്കരുത്. എന്ത് ധാരണയിലാണ് ഇങ്ങനെ ചെയ്യുന്നത് എന്നൊക്കെ ചോദിച്ചു. അമ്മാ എനിക്ക് നേരെത്തെ ആറിയാവുന്ന പാട്ടായാതിനാലാണ് പാടിയത് എന്നൊക്കെ പറഞ്ഞെങ്കിലും അമ്മ വഴങ്ങിയില്ല. അതിനുശേഷം ദിവസം 12 പാട്ട് വരെയേ പാടാറുള്ളൂ. ചിത്ര വ്യക്തമാക്കുന്നു.
https://www.facebook.com/Malayalivartha