മകള്‍ കാതറിന്റെ ഇരുപതാം പിറന്നാളിന് ആശംസകളുമായി മലയാളത്തിന്റെ പ്രിയ സംവിധായകന്‍ ലാല്‍ ജോസ്. 'ചന്ദ്രനുദിക്കുന്ന ദിക്കില്‍ ഷൂട്ടിങ് കഴിഞ്ഞു വരുമ്ബോള്‍ ലീനയുടെ അടുത്ത് കിടന്നു എന്നെ അന്തംവിട്ടു നോക്കിയ കൈക്കുഞ്ഞിനു ഇന്നു ഇരുപതു വയസ്സ്‌. ഹാപ്പി ബര്‍ത്ഡേ ചക്കു.'-ലാല്‍ ജോസ് കുറിച്ചു. ലീനയാണ് ലാല്‍ ജോസിന്റെ ഭാര്യ. ഐറീന്‍, കാതറിന്‍ എന്നിവരാണ് മക്കള്‍. പോണ്ടിച്ചേരിയില്‍ എംബിബിഎസിന് പഠിക്കുകയാണ് കാതറിന്‍. പിറന്നാള്‍ ദിനം ചെടി നട്ട് നന്മ ചെയ്യുന്ന മകളുടെ ചിത്രം പങ്കുവച്ചായിരുന്നു ആശംസകള്‍.