നായികയായി നിശ്ചയിച്ചത് മഞ്ജുവിനെ ആയിരുന്നു! ചെറിയ സംഖ്യ മഞ്ജുവിന് അഡ്വാന്‍സും നല്‍കിയിരുന്നു; തന്റെ വീടനടുത്തുതന്നെ ആയിരുന്നു മഞ്ജുവിന്റെ താമസവും.. അഭിനയിക്കാന്‍ തയ്യാറാണെന്നും നടി പറ‌ഞ്ഞിരുന്നു; പക്ഷെ അച്ഛനായി അഭിനയിച്ച നടന്‍ നായകനായി എത്തിയതോടെ സംഭവിച്ചത് മറ്റൊന്ന്...
ഒരു പ്രമുഖ മാധ്യമത്തില്‍ നല്‍കിയ അഭിമുഖത്തിലാണ് പ്രവാസി സിനിമയായ ഗര്‍ഷോമില്‍ മഞ്ജുവാര്യര്‍ പിന്മാറിയതിനെ തുടര്‍ന്ന് ഉര്‍വശിയേ നായികയാക്കിയതിനെക്കുറിച്ച്‌ പി ടി കുഞ്ഞുമുഹമ്മദിന്റെ തുറന്നു പറച്ചില്‍. 'ഉര്‍വശിയേക്കാള്‍ മുമ്ബ് മഞ്ജുവാര്യരെയായിരുന്നു നായികയായി നിശ്ചയിച്ചത്. ഇതിന്റെ ഭാഗമായി ചെറിയ സംഖ്യ മഞ്ജുവിന് അഡ്വാന്‍സും നല്‍കിയിരുന്നു. തന്റെ വീടനടുത്തുതന്നെ ആയിരുന്നു മഞ്ജുവിന്റെ താമസവും. അഭിനയിക്കാന്‍ തയ്യാറാണെന്നും നടി പറ‌ഞ്ഞിരുന്നു. എന്നാല്‍, പിന്നീടാണ് മഞ്ജു തീരുമാനം മാറ്റിയത്. ഗര്‍ഷോമില്‍ നായകനായെത്തുന്നത് മുരളിയാണ്. ഇതായിരുന്നു പ്രാധാന കാരണം. ഇതേ വര്‍ഷം തന്നെ പുറത്തിറങ്ങിയ ജോഷി ചിത്രമായ 'പത്ര'ത്തില്‍ മഞ്ജുവിന്റെ അച്ഛനായാണ് മുരളി അഭിനയിച്ചത്. മഞ്ജുവിന് മാനസികമായി ചിത്രത്തില്‍ അഭിനയിക്കാന്‍ പ്രയാസമുള്ളതായി അറിയിച്ചിരുന്നു-അദ്ദേഹം പറ‌ഞ്ഞു. എന്നാല്‍, മുരളിയെ ചിത്രത്തില്‍ നിന്ന് മാറ്റാ‌ന്‍ സാധിക്കില്ലെന്നും മഞ്ജുവിന് തീരുമാനമെടുക്കാമെന്നും താന്‍ അറിയിച്ചതായി അദ്ദേഹം പറ‌ഞ്ഞു. പിന്നീട് അഡ്വാന്‍സ് നല്‍കിയ തുക ഒരു പ്രശ്നവുമില്ലാതെ മാന്യമായി തിരികെ ഏല്‍പ്പിച്ചു' അദ്ദേഹം കൂട്ടിച്ചേര്‍ത്തു.
https://www.facebook.com/Malayalivartha
