ബോളിവുഡ് താരം കരീന കപൂര്‍ തന്റെ ആദ്യ പ്രണയത്തെക്കുറിച്ച് വെളിപ്പെടുത്തിയിരിക്കുകയാണ്. ഒരു റിയാലിറ്റി ഷോയ്ക്കിടെയാണ് താരം ഈ രഹസ്യം തുറന്ന് പറഞ്ഞത്.

1990ലെ സൂപ്പര്‍ഹിറ്റ് ചിത്രം ആഷിഖിയിലെ നായകന്‍ രാഹുല്‍ റോയാണ് ആദ്യമായി കരീനയുടെ പ്രണയ നായകനായത്. രാഹുലിന്റെ വലിയ ആരാധികയായിരുന്നു താനെന്നും താരത്തെ കാണുന്നതിന് വേണ്ടി മാത്രം എട്ട് പ്രാവശ്യത്തില്‍ കൂടുതല്‍ ആഷിഖി കണ്ടെന്നുമാണ് കരീന പറയുന്നത്.

റിയാലിറ്റി ഷോയുടെ അവതാരകന്‍ കരണ്‍വാഹിയുടെ ചോദ്യത്തിന് മറുപടിയായാണ് താരത്തിന്റെ തുറന്നുപറച്ചില്‍. അക്ഷയ് കുമാര്‍ ചിത്രം ഗുഡ് ന്യൂസാണ് കരീനകപൂര്‍ അഭിനയിക്കുന്ന ഏറ്റവും പുതിയ ചിത്രം. 2019ല്‍ പുറത്തിറങ്ങിയ വീരെ ദി വെഡ്ഡിങ്ങായിരുന്നു കരീനയുടെ ബിഗ് റിലീസ്.