നിങ്ങള്‍ എനിക്ക് തന്ന രണ്ട് ചെക്കും ബൗണ്‍സ്- അജുവിനോട് നയന്‍താര
ഒരു ചിത്രത്തെ എങ്ങനെ പ്രമോട്ട് ചെയ്യണമെന്ന് അറിയണമെങ്കിൽ അജു വർഗീസിനെ കണ്ടുപഠിക്കണം. സോഷ്യല്‍ മീഡിയയിലൂടെയുള്ള പ്രമോഷന്‍ പോസ്റ്റുകളിലൂടെയാണ് അജു പ്രേക്ഷകര്‍ക്ക് പ്രിയങ്കരനായത്. മിക്കപ്പോഴും സ്വയം ട്രോളിക്കൊണ്ടായിരിക്കും പ്രമോഷന്‍. അത്തരത്തിലൊരു ട്രോളാണ് ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്.
നിവിന്‍ പോളിയും നയന്‍താരയും നായികയും നായകനുമാകുന്ന ചിത്രമാണ് ലവ് ആക്ഷന്‍ ഡ്രാമ. ധ്യാന്‍ ശ്രീനിവാസന്‍ ആദ്യമായി സംവിധാനം ചെയ്യുന്ന സിനിമയാണിത്. അജു വര്‍ഗീസാണ് നിര്‍മ്മാതാവ് എന്ന പ്രത്യേകത കൂടി ചിത്രത്തിനുണ്ട്.
മിസ്റ്റര്‍ പ്രൊഡ്യൂസ‌ര്‍, എന്താണിത്, നിങ്ങള്‍ എനിക്ക് തന്ന രണ്ടു ചെക്കും ബൗണ്‍സ് എന്ന അടിക്കുറിപ്പോടെ നയന്‍താര ചെക്ക് പിടിച്ച്‌ നില്‍ക്കുന്ന ചിത്രം ഫേസ്ബുക്കില്‍ പങ്കുവച്ചിരിക്കുകയാണ് അജുവര്‍ഗീസ്.വളരെപ്പെട്ടെന്ന് തന്നെ പോസ്റ്റ് ആരാധകര്‍ ഏറ്റെടുത്തു. ഇന്നാണ് ചിത്രം തീയേറ്ററുകളിലേക്കെത്തുന്നത്.
https://www.facebook.com/Malayalivartha
