''തിരുവനന്തപുരത്തെ ഒരു ബ്രാഹ്മണ കുടുംബത്തിലാണ് ഞാന്‍ ജനിച്ചത്. അമ്മ ബാങ്ക് ഉദ്യോഗസ്ഥ. അച്ഛന്‍ സ്വകാര്യ സ്ഥാപനത്തിലും. അച്ഛന്റെ സ്ഥലം മാറ്റങ്ങള്‍ക്കനുസരിച്ച്‌ ഞങ്ങളുടെ വീടുകള്‍ മാറിക്കൊണ്ടിരുന്നു. ഞാന്‍ രണ്ടാം ക്ളാസില്‍ പഠിക്കുമ്ബോള്‍ അച്ഛന്‍ എറണാകുളത്ത് ഒരു വീട് വാങ്ങി. പക്ഷേ, 3 വര്‍ഷമേ അവിടെ താമസിക്കാനായുള്ളൂ.

അതിനിടെ അച്ഛന് മധുരയിലേക്ക് സ്ഥലം മാറ്റമായി. അതോടെ കുറെ നാള്‍ അടഞ്ഞു കിടന്ന ആ വീട് നോക്കാനാളില്ലാതായതോടെ വിറ്റു. അതിനുശേഷം ചെന്നൈയില്‍ ഒരു ഫ്ലാറ്റ് വാങ്ങി ഞങ്ങള്‍ താമസം തുടങ്ങി. പക്ഷേ, 4വര്‍ഷമേ മാത്രമേ അവിടെ താമസിച്ചുള്ളൂ. മറ്റുള്ളവര്‍ക്ക് അന്ധവിശ്വാസമാണെന്നു തോന്നാമെങ്കിലും അവിടെ താമസിച്ചപ്പോള്‍ ഞങ്ങള്‍ക്ക് മൂന്നു പേര്‍ക്കും അപകടങ്ങള്‍ ഉണ്ടായി. മരണത്തില്‍ നിന്നു കഷ്ടിച്ചാണ് രക്ഷപ്പെട്ടത്. രോഗങ്ങളും പ്രശ്നങ്ങളും വേട്ടയാടിയതോടെ വാസ്തു നോക്കിച്ചു. അങ്ങനെ ദിശയിലും അളവുകളിലുമൊക്കെ ദോഷങ്ങള്‍ കണ്ടെത്തി. അതോടെ ആ ഫ്ലാറ്റ് വിറ്റ് അഡയാറിലെ ഒരു വാടക വീട്ടിലേക്ക് താമസം മാറി. പിന്നെ ഇതുവരെ ഞങ്ങള്‍ സ്വന്തമായി വീട് വാങ്ങിയിട്ടില്ല. എന്റെ ജീവിതത്തില്‍ പോസിറ്റീവായ ഒരുപാട് കാര്യങ്ങള്‍ സംഭവിച്ചത് ഇവിടെ താമസിക്കുമ്ബോഴാണ്. അതുകൊണ്ട് വാടകവീടായാലും ഇതുവരെ മറ്റൊരു വീടിനോടും തോന്നാത്ത മാനസിക അടുപ്പമുണ്ട്''.- ചന്ദ്ര ലക്ഷ്മണ്‍ പങ്കുവച്ചു. ഒരുകാലത്ത് ടെലിവിഷന്‍ പ്രേക്ഷകരുടെ ഇഷ്ടനായികയായിരുന്നു ചന്ദ്ര ലക്ഷ്മണ്‍. നീണ്ട നാളത്തെ ഇടവേളയ്ക്ക് ശേഷം അഭിനയരംഗത്തേക്കു മടങ്ങി വരാനുള്ള തയാറെടുപ്പിലാണ് താരം. ഒരു മാധ്യമത്തിനു നല്‍കിയ അഭിമുഖത്തില്‍ തങ്ങള്‍ക്ക് നല്ല കുടുംബങ്ങള്‍ വാഴില്ല എന്നാണ് ഇതുവരെയുള്ള വിശ്വാസമെന്ന് ചന്ദ്ര പറയുന്നു.