നയന്സ് പോയി തേജസ്വിനി വന്നു
തെന്നിന്ത്യ ഏറ്റവുമധികം ആഘോഷിച്ച പ്രണയവും പ്രണയത്തകര്ച്ചയുമായിരുന്നു നയന്താരയുടേതും പ്രഭുദേവയുടേതും. എന്നാല് ഇവര് രണ്ടുപേരും ഗോസിപ്പുകളൊന്നും ശ്രദ്ധിക്കാതെ സിനിമയിലെ തിരക്കിലേക്കു മാറുകയായിരുന്നു. നയന്താര ശക്തമായ തിരിച്ചുവരവ് നടത്തി തമിഴില് താര റാണിയാകുകയും പ്രഭുദേവ ബോളിവുഡില് ഏറ്റവും തിരക്കുള്ള സംവിധായകനായും മാറി.
നയന്താരയുമായുള്ള അകല്ച്ചയ്ക്ക് ശേഷമാണ് പ്രഭുദേവ ചെന്നൈയില് നിന്ന് മുംബൈയിലേക്ക് താമസം മാറ്റിയതെന്നും വാര്ത്തകളുണ്ടായിരുന്നു. പ്രണയത്തകര്ച്ച ഇരുവരേയും മാനസികമായി അലട്ടിയിരുന്നെന്നും സിനിമയിലൂടെ മാത്രമാണ് ആശ്വാസം കണ്ടെത്തിയിരുന്നതെന്നും ഗോസിപ്പുകളു ണ്ടായിരുന്നു. എന്നാല് ഇതിനിടെ പ്രഭുദേവ പുതിയ പ്രണയിനിയെ കണ്ടെത്തിയെന്നാണ് പുതിയ ഗോസിപ്പ്.
തേജസ്വിനി പ്രകാശ് എന്ന കന്നട നടിയാണത്രെ പുതിയ കാമുകി. തേജസ്വിനിക്കൊപ്പം പ്രഭുദേവയെ പല പാര്ട്ടികളിലും ഒരുമിച്ചു കണ്ടുതുടങ്ങിയതോടെയാണ് പപ്പരാസികള് ശ്രദ്ധിച്ചുതുടങ്ങിയത്. ഇക്കാര്യം തേജസ്വിനിയോട് ചോദിച്ചപ്പോള് എല്ലാവരും പറയുന്നതു പോലെ ഞങ്ങള് തമ്മില് നല്ല ബന്ധമാണെന്നുമാണ് പറഞ്ഞത്. എന്തായാലും ബോളിവുഡിലെയും കോളിവുഡിലെയും പപ്പരാസികള് ഇവരുടെ പിന്നാലെയാണിപ്പോള്
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha