നിര്മാതാക്കളുമായുള്ള പ്രശ്നം പരിഹരിക്കണമെന്ന് ഫഹദിനോട് അമ്മ
നടന് ഫഹദ്ഫാസിലിനതിരെ അമ്മ രംഗത്ത്. നിര്മാതാവുമായുള്ള തര്ക്കം അടിയന്തരമായി പറഞ്ഞുതീര്ക്കണമെന്ന് അഭിനേതാക്കളുടെ സംഘടനയായ \'അമ്മ നടന് ഫഹദ് ഫാസിലിനു കത്തുനല്കി. നിര്മാതാവ് അരോമ മണിയുമായി നടക്കുന്ന തര്ക്കത്തിലാണു അമ്മ ഇടപെട്ടത്. അമേരിക്കയിലുള്ള ഫഹദ് തിരിച്ചെത്തിയാല് ഇത് സംബന്ധിച്ച് അമ്മ ചര്ച്ച നടത്തും.നിര്മാതാക്കളുടെ സംഘടനയായ പ്രൊഡ്യൂസേഴ്സ് അസോസിയേഷനും ഫിലിം ചേംബറും ഇടപെട്ടു തീരാത്ത പ്രശ്നമാണ് അമ്മ ഇടപെടുന്നത്.
അരോമ മണി നിര്മിക്കുന്ന സിനിമയില് അഭിനയിക്കാമെന്നു 2012ല് ഫഹദ് കരാര് ഒപ്പിട്ടിരുന്നു. എന്നാല് തിരക്കഥ മോശമാണെന്ന കാരണത്താല് ഫഹദ് പിന്മാറി. മറ്റൊരു സിനിമയില് അഭിനയിക്കാമെന്നു സമ്മതിച്ചുവെങ്കിലും ഇരുവര്ക്കും സമ്മതമായ തിരക്കഥ കണ്ടെത്താനായില്ല. തര്ക്കം തുടര്ന്നുകൊണ്ടിരുന്നു. മണി നിര്മാതാക്കളുടെ സംഘടനയ്ക്കു പരാതിനല്കി. ആറുമാസത്തോളം കാത്തിരുന്ന മണി ഒടുവില് തനിക്കിനി സിനിമ വേണ്ടെന്നും കരാര് ലംഘിച്ചതിനു 75 ലക്ഷം രൂപ നഷ്ടപരിഹാരം വേണമെന്നും ആവശ്യപ്പെട്ടു.
എന്നാല് ഈ തുക ന്യായീകരിക്കാനാവില്ലെന്നും 15 ലക്ഷം രൂപ പരമാവധി തുകയാണെന്നും പ്രൊഡ്യൂസേഴ്സ് അസോസിയേഷന് വ്യക്തമാക്കി. ഇതോടെയാണു മണി \'അമ്മയ്ക്കു പരാതി നല്കിയത്. തര്ക്കം തുടരാനാകില്ലെന്നും പറഞ്ഞു തീര്ക്കണമെന്നുമാണ് ഫഹദിന് \'അമ്മ നല്കിയ കത്ത്. 75 ലക്ഷം രൂപ നഷ്ടപരിഹാരം നല്കി പ്രശ്നം പരിഹരിക്കുമെന്നു കരുതരുതെന്ന് \'അമ്മ വക്താക്കള് അരോമ മണിയോടും പറഞ്ഞിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
