ദൃശ്യത്തിന് ശേഷം മോഹന്‍ലാല്‍ ഒരു സൂപ്പര്‍ഹിറ്റ് കൊതിക്കുന്നു. മിസ്റ്റര്‍ ഫ്രോഡ്, കൂതറ, പെരുച്ചാഴി എന്നിവ വേണ്ടത്ര ശ്രദ്ധിക്കപ്പെട്ടില്ല. അവസാനം ഇറങ്ങിയ സത്യന്‍ അന്തിക്കാട് ചിത്രവും വലിയ പരാജയമായിരുന്നു. ആകെ പ്രതീക്ഷയുള്ളത് രഞ്ജിത്തിന്റെ ലോഹമാണ്. മഞ്ജുവാര്യര്‍ ചിത്രത്തില്‍ അഥിതി താരമായി എത്തുന്നു. ഭൂരിപക്ഷം സിനിമകളും സ്വന്തം പ്രൊഡക്ഷനില്‍ നിര്‍മിക്കുന്നതിനാല്‍ വലിയ നഷ്ടം ഉണ്ടാകുന്നില്ല. എന്നാല്‍ മോഹന്‍ലാലിനും മമ്മൂട്ടിക്കും സാറ്റലൈറ്റ് അവകാശം അടക്കം ഇടിയുന്നത് ഇരുവരെയും വെച്ച് പടം എടുക്കുന്നവരെ ആശങ്കയിലാഴ്ത്തുന്നു.

കൊച്ചിവിട്ട് ഇരുവരും പലപ്പോഴും ഷൂട്ടിംഗിന് പോകാന്‍ വിസമ്മതിക്കുന്നതും അണിയറ പ്രവര്‍ത്തകരെ വിഷമത്തിലാക്കുന്നുണ്ട്. മോഹന്‍ലാലിന്റെ അമ്മയ്ക്ക് അസുഖം ഭേദമുണ്ടെങ്കിലും കൊച്ചിയിലെ വീട്ടിലാണ് കഴിയുന്നത്. അമ്മയോടൊപ്പം ചെലവഴിക്കുന്നതിനായാണ് ദൂരസ്ഥലങ്ങളിലെ ചിത്രീകരണം താരം ഒഴിവാക്കുന്നത്. സഹസംവിധായകനായ മകന്‍ പ്രണവും കൊച്ചിയിലെ വീട്ടിലാണ് താമസം. ഭാര്യ ദുബയില്‍ ബിസിനസ് നടത്തുകയാണെങ്കിലും ഇടയ്ക്കിടെ കൊച്ചിയില്‍ വരും. ഇതെല്ലാം കണക്കിലെടുത്താണ് താരം കൊച്ചിയില്‍ നിന്നും മാറി നില്‍ക്കാത്തത്. 

മോഹന്‍ലാലിനെയും മമ്മൂട്ടിയെയും വെച്ച് ഷാജി കൈലാസ് ഒരു ചിത്രം പ്ലാന്‍ ചെയ്‌തെങ്കിലും അത് നടന്നില്ല. രഞ്ജിത്തും രഞ്ജിപണിക്കരും തിരക്കഥ ഒരുക്കാനിരുന്ന ചിത്രം വലിയ മാസ് ഹിറ്റായേനെ. വൈശാഖിന്റെ പുലിമുരുഗന്‍ ഉള്‍പ്പെടെയുള്ള ചിത്രങ്ങളുണ്ടെങ്കിലും കസിന്‍സ് ഉള്‍പ്പെടെയുള്ള വൈശാഖ് ചിത്രങ്ങള്‍ വലിയ പരാജയമായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha