ലിവിങ് ടുഗദര്‍ എന്ന രീതിയാണ് പല നായികമാര്‍ക്കും താല്‍പര്യം. എന്നാല്‍, അത്തരത്തിലൊരു ജീവിതമായിരിക്കില്ല തന്റെതെന്ന് ഉറച്ച് വിശ്വസിക്കുകയാണ് തെന്നിന്ത്യന്‍ താരം നയന്‍താര ഇപ്പോള്‍. രക്ഷിതാക്കള്‍ അറിഞ്ഞ് മാത്രമെ വിവാഹം ചെയ്യുകയുള്ളൂവെന്നാണ് നയന്‍സ് വ്യക്തമാക്കുന്നത്. മനുഷ്യത്വമുള്ള ഒരാളെ വിവാഹം കഴിക്കാനാണ് ആഗ്രഹിക്കുന്നതെന്നും നയന്‍സ് പറയുന്നു. നടന്മാരായ ചിമ്പുവിനെയും പ്രഭുദേവയെയും വച്ച് വരെ ഗോസിപ്പുകള്‍ ഉണ്ടാക്കി.
അത്തരം ഗോസിപ്പുകളോട് പ്രതികരിക്കില്ലെന്നും താരം വ്യക്തമാക്കി. അനാവശ്യ ഗോസിപ്പുകള്‍ പറയുന്നവരോട് തനിക്ക് പുച്ഛമാണെന്നും നയന്‍സ് പറയുന്നു. മനുഷ്യത്വമുള്ള ഒരാളെ വിവാഹം കഴിക്കാനാണ് ആഗ്രഹം. മറ്റുളളവരുടെ വിഷമങ്ങളും സങ്കടങ്ങളും മനസിലാക്കാന്‍ കഴിയുന്ന ഒരാളായിരിക്കണം. ഒരാള്‍ ആപത്തില്‍ പെട്ടാല്‍ സഹായിക്കാനുളള മനസുണ്ടായിരിക്കണമെന്നും നയന്‍സ് പറഞ്ഞു. ഓരോ ദിവസവും വ്യത്യസ്തമായ വാര്‍ത്തകളാണ് വിവാഹത്തെക്കുറിച്ചു മാധ്യമങ്ങളില്‍ വരുന്നത്.
പാവം ജനങ്ങള്‍ അതെല്ലാം വിശ്വസിക്കുകയും ചെയ്യുന്നു. ഞാന്‍ വിവാഹം കഴിക്കുകയാണെങ്കില്‍ ഒത് ഒരിക്കലും മറച്ചുവച്ചു കൊണ്ടാവില്ല. ഞാന്‍ ദൈവത്തെ പോലെ കരുതുന്ന എന്റെ മാതാപിതാക്കളും നാട്ടുകാരും ആരാധകരും അറിഞ്ഞുകൊണ്ടു മാത്രമേ ഒരാള്‍ എന്റെ ജീവിതത്തിലേക്കു കടന്നുവരൂവെന്നും നയന്‍സ് ഉറപ്പിച്ചു പറയുന്നു.ഞാന്‍ കളളം കാണിച്ചിട്ടില്ല. അതുകൊണ്ടുതന്നെ എനിക്ക് എനിക്ക് ഒരാളില്‍ നിന്നും യാതൊന്നും മറച്ച് വയ്‌ക്കേണ്ട ആവശ്യമില്ലെന്നും നയന്‍താര പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha