കാവ്യ അല്പം വാശിയിലാണ്.... പിടി വാശി കാരണം റിലീസ് വൈകുന്നത് രണ്ട് ചിത്രങ്ങള്
കാവ്യ മാധവന്റെ പിടിവാശി മൂലം 2 ചിത്രങ്ങള് റിലീസിംഗ് വൈകുന്നുവെന്ന് റിപ്പോര്ട്ട്. ഷീ ടാക്സി, ആകാശവാണി തുടങ്ങിയ ചിത്രങ്ങളിലൂടെ സിനിമയില് മൂന്നാമൂഴത്തിന് തയ്യാറെടുക്കുന്ന കാവ്യയുടെ വാശി സംവിധായകരേയും നിര്മ്മാതാക്കളേയും കുഴപ്പത്തിലാക്കുന്നു.
വിവാഹ മോചനത്തിന് ശേഷം സിനിമയില് തിരിച്ചുവന്നെങ്കിലും ടൈപ്പ് വേഷങ്ങളില് ഒതുങ്ങിയ കാവ്യ സിനിമയില് നിന്ന് ഹ്രസ്വമായ ഇടവേള എടുത്തിരുന്നു. മൂന്നാം വരവില് സിനിമകള് ശ്രദ്ധയോടെ തെരഞ്ഞെടുക്കുന്ന കാവ്യ ഇനിയുള്ള സിനിമകള് സ്വന്തം ശബ്ദത്തില് ഡബ്ബ് ചെയ്യണമെന്ന നിബന്ധനയാണ് സംവിധായകരുടെ മുന്നില് വച്ചിരിക്കുന്നത്.
കാവ്യയുടെ ഈ കടുംപിടുത്തം സിനിമകളുടെ റിലീസ് അകാരണമായി വൈകിപ്പിക്കുന്നുവെന്നാണ് ആരോപണം. മുന്നാമൂഴത്തില് ആദ്യം റിലീസ് ചെയ്യേണ്ടത് ഷീ ടാക്സിയാകണമെന്നും കാവ്യയ്ക്ക് നിര്ബന്ധമുണ്ട്. ആകാശവാണിയുടെ ഡബ്ബിംഗ് വൈകിപ്പിക്കുന്നതിന് ഇതും കാരണമായി പറയുന്നു. പ്രമുഖ ചാനലിന്റെ പ്രോഗ്രാം വിഭാഗം മേധാവിയായാണ് കാവ്യ ആകാശവാണി എന്ന ചിത്രത്തില് അവതരിപ്പിക്കുന്നത്.
നിര്മ്മാതാവ് കൂടിയായ വിജയ് ബാബു നായകനാകുന്ന ചിത്രത്തില് സംഭാഷണത്തിന് പ്രാധാന്യമുള്ള കഥാപാത്രമായതിനാല് കാവ്യയെക്കൊണ്ട് ഡബ്ബ് ചെയ്യിക്കുന്നതിന് ചിത്രത്തിന്റെ സംവിധായകനായ ഖയസിന് താല്പ്പര്യമില്ല. കാവ്യ നിസഹരണം തുടരുന്നതിനാല് ചിത്രത്തിന്റെ പോസ്റ്റ് പ്രൊഡക്ഷന് ജോലികള് അവതാളത്തിലായിരിക്കുകയാണ്. അക്ഷരസ്ഫുടതയും ശബ്ദ സൗകുമാര്യവുമുള്ള ഡബ്ബിംഗ് ആര്ട്ടിസ്റ്റുകളെക്കൊണ്ട് സിനിമ ഡബ്ബ് ചെയ്യിക്കണമെന്നാണ് സംവിധായകന്റെ നിലപാട്.
ഡബ്ബിംഗിന് പുറമെ മറ്റ് ചില കാര്യങ്ങളിലും കാവ്യ കടുംപിടുത്തം തുടരുന്നതായാണ് സിനിമാ രംഗത്തു നിന്നുള്ള റിപ്പോര്ട്ട്. പരസ്യ ചിത്രങ്ങളിലും കാവ്യ സ്വന്തം ശബ്ദത്തില് ഡബ്ബ് ചെയ്യണമെന്ന കടുംപിടുത്തത്തിലാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha