മലയാളത്തിന്റെ പ്രിയ പുത്രിയും മുന്‍ മിസ് വേള്‍ഡ് റണ്ണറപ്പുമായ പാര്‍വതി ഓമനക്കുട്ടന്‍ തെലുങ്കിലേക്ക് കാല്‍വയ്ക്കുന്നു. അടുത്തിടെ റിലീസായ തമിഴ് ചിത്രമായ പിസയുടെ ഹിന്ദി പതിപ്പില്‍ അഭിനയിച്ച ശേഷമാണ് താരം തെലുങ്ക് ചിത്രത്തില്‍ അഭിനയിക്കുന്നത്. ആനന്ദ് രവിയാണ് ചിത്രം സംവിധാനം ചെയ്യുന്നത്. ചിത്രത്തിലെ നായിക പാര്‍വതിയായിരിക്കുമെന്നാണ് റിപ്പോര്‍ട്ടുകള്‍. താരത്തിന്റെ തമിഴ് ചിത്രത്തിലെ അഭിനയത്തില്‍ സിനിമാ പ്രവര്‍ത്തകര്‍ സംതൃപ്തരാണെന്നും ഈ ചിത്രത്തിലെ വേഷം പാര്‍വതിക്ക് അനുയോജ്യമായതാണെന്നാണ് അവര്‍ കരുതുന്നതെന്നും വൃത്തങ്ങള്‍ വ്യക്തമാക്കി.

ചിത്രത്തിലേക്കുള്ള നായകനെ കണ്ടെത്തുന്നതിനുള്ള തിരക്കിലാണ് സിനിമയിലെ അണിയറ പ്രവര്‍ത്തകര്‍ ഇപ്പോള്‍. തന്റെ പ്രിയപ്പെട്ട നഗരമാണ് ഹൈദരാബാദ് എന്നു പാര്‍വതി നേരത്തെ പറഞ്ഞിട്ടുണ്ട്. ഫാഷന്‍ ലോകത്തേക്കുള്ള താരത്തിന്റെ ചുവടുവയ്പ് ആരംഭിച്ചത് ഈ നഗരത്തില്‍ നിന്നാണ്. ഇവിടെ വച്ച് 2008ലാണ് പാര്‍വതിക്ക് മിസ് സൗത്ത് ഇന്ത്യാ പട്ടം ലഭിച്ചത്. മലാളത്തില്‍ നല്ലൊരു കഥാപാത്രം കിട്ടിയാല്‍ ചെയ്യുമെന്ന് ഇതിന് താരം മാധ്യമങ്ങള്‍ക്ക് മുന്നില്‍ വ്യക്തമാക്കിയിട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha