കാവ്യാമാധവന്‍ വീണ്ടും പേനയെടുത്തു. സുജാകാര്‍ത്തികയുടെ സഹോദരന്‍ സുകു മ്യൂസിക് നല്‍കി. ആകാശവാണി എന്ന ചിത്രത്തിലൂടെ ഈ ഗാനം പുറത്ത് വരും. കാവ്യയുടെ ഏറ്റവും അടുത്ത സുഹൃത്ത് സുജ കാര്‍ത്തികയാണ്. സുകു മ്യൂസിക് കംമ്പോസ് ചെയ്യുമ്പോഴൊക്കെ കാവ്യയെ കേള്‍പ്പിച്ചിരുന്നു. അടുത്തിടെ കേള്‍പ്പിച്ച ഒരെണ്ണം ആകാശവാണി എന്ന സിനിമയ്ക്ക് ഇണങ്ങുന്നതാണെന്ന് തോന്നി അങ്ങനെ സംവിധായകനോട് കാര്യം അവതരിപ്പിച്ചു. അങ്ങനെയാണ് കാവ്യ വരികള്‍ എഴുതാന്‍ തീരുമാനിച്ചത്. 

ഷീ ടാക്‌സിയില്‍ പാട്ടെഴുതാന്‍ ആവശ്യപ്പെട്ടെങ്കിലും താരം നിരസിച്ചിരുന്നു. സുകു തനിക്ക് സഹോദരനെ പോലെയാണ് അതുകൊണ്ടാണ് പാട്ടെഴുതാന്‍ തീരുമാനിച്ചതെന്ന് കാവ്യ പറഞ്ഞു. മുമ്പ് കാവ്യ ദളങ്ങള്‍ എന്ന ആല്‍ബത്തിന് താരം പാട്ടെഴുതിയിരുന്നു. സംവിധായകന്‍ പാട്ടെഴുതണമെന്ന് പറഞ്ഞപ്പോള്‍ തമാശയാണെന്നാണ് കരുതിയത്. എന്നാല്‍ കാര്യങ്ങള്‍ പിന്നീട് കൈവിട്ട് പോയി. എനിക്ക് ഒഴിയാന്‍ വയ്യാതെയായി. പിന്നെ സുകുവും നിര്‍ബന്ധിച്ചു. അങ്ങനെയാണ് വീണ്ടും പാട്ടെഴുതിയതെന്ന് കാവ്യ പറഞ്ഞു. 

ചിത്രത്തില്‍ ടി.വി ചാനലിന്റെ ഹെഡായാണ് കാവ്യ അഭിനയിക്കുന്നത്. മുമ്പും ഇത്തരം കഥാപാത്രങ്ങള്‍ അവതരിപ്പിച്ചിട്ടില്ല. ഇപ്പോഴത്തെ കേരളീയ ജീവിതവുമായി ബന്ധപ്പെട്ട പ്രശ്‌നങ്ങളാണ് സിനിമ പറയുന്നതെന്നും കാവ്യ പറഞ്ഞു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha