ശരീരം കാണിക്കുന്നത് ഗ്ലാമറല്ലെന്ന് നിക്കി
ഗ്ലാമര് എന്ന് പറയുന്നത് ശരീരം കാണിക്കുന്നതല്ലെന്ന് നടി നിക്കി ഗല്റാണി. ഗ്ലാമര് നമ്മുടെ ഉള്ളില് നിന്നും വരുന്നതാണ്. നമ്മുടെ മനോഭാവം, ആത്മവിശ്വാസം ഇതിലൊക്കെയാണ് ഗ്ലാമര് കാണുന്നത്. ഗ്ലാമറസ് ആകാന് വേണ്ടി മുട്ടോളം എത്തുന്ന വസ്ത്രം ഇടണമെന്നു പറയുന്നതിലൊന്നും ശരിയുണ്ടെന്ന് തോന്നുന്നില്ല. ഒരു സ്ത്രീയ്ക്ക് ചുരിദാറിലും സാരിയിലുമൊക്കെ ഗ്ലാമറാകാം. ശരീരം കാണിക്കുന്നതാണ് ഗ്ലാമറസ് ആണെന്ന് തോന്നുന്നില്ല.
സിനിമയില് കംഫര്ട്ടബിളായ കഥാപാത്രങ്ങള് മാത്രമേ ചെയ്യൂ. കുടുംബത്തോടൊപ്പം ഇരുന്ന് കാണാന് കഴിയുന്ന, മറ്റുള്ളവര്ക്ക് അവരുടെ കുടുംബത്തോടൊപ്പം കാണാന് കഴിയുന്ന വേഷങ്ങള്. തമിഴ്, തെലുങ്ക് ചിത്രങ്ങളില് ഷോര്ട്ട് സ്കര്ട്ടും ഷോര്ട്സുമൊക്കെ ധരിക്കാറുണ്ട്. പക്ഷെ അതിലെല്ലാം ഒരു മാന്യത സൂക്ഷിക്കാറുണ്ട്. വള്ഗാരിറ്റിയും ക്ലാസിക് ഡ്രസ്സിങിനുമിടയില് ഒരു നേര്ത്ത വരയുണ്ട്, അത് മറികടക്കാതിരുന്നാല് മതി. എനിക്ക് ഗ്ലാമര് എന്നാല് എക്സപോസിങ് അല്ല താരം പറഞ്ഞു.
1983യിലൂടെ മലയാളികള്ക്ക് സുപരിചിതയായ നിക്ക്ി ഗല്റാണി ഭാഗ്യനായിക എന്നാണ് അറിയപ്പെടുന്നത്. ഓം ശാന്തി ഓശാന, വെള്ളിമൂങ്ങ എന്നീ ചിത്രങ്ങള് സൂപ്പര്ഹിറ്റായിരുന്നു. എന്നാല് ഇവന് മര്യാദ രാമന് വലിയ പരാജയമായി. അടുത്തത് രുദ്രസിംഹാസനമാണ്. അതില് സുരേഷ്ഗോപിയുടെ നായികയാണ്. നാകയന്മാരെ തെരഞ്ഞെടുക്കുന്നതിലും താരം ഗ്ലാമര് നോക്കാറില്ല. വെള്ളിമൂങ്ങയില് ബിജുമേനോന്റെ നായികയാവാന് പലരും മടിച്ചതാണ്. പക്ഷെ, നിക്ക് അത് ഏറ്റെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha