തന്റെ കൂടെ ഫോട്ടോയില്‍ പ്രത്യക്ഷപ്പെട്ട ആളെക്കുറിച്ച് ഒന്നും നിഷേധിക്കാതെ പ്രിയാമണി.
കഴിഞ്ഞ കുറെ ദിവസങ്ങളായി ഓണ്‍ലൈന്‍ സൈറ്റുകളും സോഷ്യല്‍ മീഡിയയും ഈ യുവാവിനെ പ്പറ്റി ഏറെ ചര്‍ച്ച ചെയ്തിരുന്നു. ബിസിനസുകാരനായ മുസ്തഫ രാജുമായാണ് പ്രിയാമണിയുടെ ഫോട്ടോ. ഈ ചിത്രങ്ങള്‍ ഇപ്പോള്‍ സൈബര്‍ലോകത്ത് കാട്ടുതീ പോലെ പടരുകയും ചെയ്യുകയാണ്. താന്‍ ഒരാളുമായി പ്രണയത്തിലാണെന്നും എന്നാല്‍ അതാരാണെന്ന് പിന്നീട് വെളിപ്പെടുത്തുമെന്നും പ്രിയാമണി നേരത്ത പല അഭിമുഖങ്ങളിലും പറഞ്ഞിരുന്നു. 
എന്നാല്‍, മുസ്തഫയുമൊത്തുള്ള ചിത്രങ്ങള്‍ ഇപ്പോള്‍ പ്രചരിക്കുമ്പോഴും പ്രിയാമണി അതിലൊക്കെ മൗനം പാലിക്കുകയാണ്. സമയം വരുമ്പോള്‍ എല്ലാം പറയുമെന്ന് പ്രിയാമണി പറഞ്ഞു. മുസ്തഫയ്‌ക്കൊപ്പമുള്ള ചിത്രങ്ങളില്‍ നടിക്കൊപ്പമുള്ളത് കാമുകനാണോയെന്ന ചോദ്യത്തോട് പ്രിയ പ്രതികരിച്ചില്ല. 
എന്റെ സ്വകാര്യ ജീവിതത്തിന്റെ ഭാഗമാണിതെല്ലാം. അതേക്കുറിച്ച് ഇപ്പോഴൊന്നും സംസാരിക്കില്ല. ഫോട്ടോയിലുള്ളത് എന്റെ കാമുകനാണെന്ന കാര്യം അംഗീകരിക്കുന്നുമില്ല, നിഷേധിക്കുന്നുമില്ല. സമയമാവുമ്പോള്‍ ഞാന്‍ തന്നെ എല്ലാവരെയും ഇക്കാര്യത്തിലെ സത്യാവസ്ഥ അറിയിക്കും പ്രിയാമണി പറഞ്ഞു. 
ഫോട്ടോ പ്രചരിക്കുന്നുണ്ടല്ലോ എന്ന ചോദ്യത്തിന് സൈറ്റുകള്‍ക്ക് എവിടെ നിന്നാണ് ഈ ചിത്രങ്ങള്‍ ലഭിച്ചത് എന്ന് അറിയില്ലെന്നായിരുന്നു പ്രിയയുടെ മറുപടി. ഇപ്പോള്‍ ഇതേക്കുറിച്ച് കൂടുതല്‍ പ്രതികരിക്കാനില്ലെന്നും പ്രിയ കൂട്ടിച്ചേര്‍ത്തു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha